PD, marrëveshje me kompani lobimi në SHBA

Partia Demokratike do vijojë që të ketë marrëveshje me një kompani lobimi në SHBA.

Siç mësohet kryetari i PD, Lulzim Basha ka firmosur me kompaninë “Sonoran Policy Group” me qendër në Uashington.

Ndërsa për kompaninë amerikane ka firmosur Christian Bourge. Kontrata e PD me “Sonoran Policy Group” është lidhur këtë muaj dhe është e vlefshme deri në 11 tetor 2018.

Sipas kontratës, PD do t’i paguajë kompanisë amerikane 40.000 USD në muaj. Në kontratë parashikohet që kompania lobuese amerikane të organizojë takime mes përfaqësuesve të PD dhe kongresmenëve e autoriteteve të larta amerikane.