PD në krizë, Tomor Alizoti: Përgjegjës Basha dhe Berisha!
Deputeti i Partisë Demokratike, Tomor Alizoti ka sqaruar debatin në mbledhjen e shumëpërfolur të Grupit Parlamentar me Kryetarin Lulzim Basha duke përsëritur se PD është në krizë dhe duhet ta zgjidhin dy përgjegjësit, Basha dhe Berisha.
“Kjo është gjëja më jo korrekte që ndodh në mbledhje. Duhet të ketë një lloj intimiteti, më vjen keq që bisedat tona dalin në publik. Mediat do e përdorin sipas këndvështrimit të tyre. Prandaj po bëj intervistën për ta sqaruar,” tha Alizoti në një intervistë për Abcnews, duke shtuar:
“Partia jonë është zhytur në një krizë, që është reale. Diskutova me kryetarin që nuk e anashkalojmë dot këtë krizë. Pra jemi në një anije që ka marrë flakë dhe kapiteni duhet ta diskutojë. Të diskutojmë problemin që ka sepse kria është reale. Dy persona janë përgjegjës, Berisha dhe Basha, duhet ta zgjidhin krizën. Këto lloj krizash kanë vetëm zgjidhe institucionale.”
Aseti i PD është baza, tha deputeti i Partisë Demokratike, dhe nëse nuk bashkohet mund të kthehet në Fondacion:
“Jo nuk kam pasur presione. Është baza ekselente, me të ndershmit. Janë njerëzit më të sinqertë. Aseti i PD është Baza. Kam pasur dilemën time dhe lufta e brendshme është më e rrezikshmja dhe nuk kama dashur. Por kriza duhet marrë seriozisht. Shkaktarët duhet të japin zgjidhjeve krizës. Nuk jam palë e asnjërit. Aseti i demokratëve të jetë i unifikuar. Nëse nuk bashkohet nuk ka shans të vijë në pushtet. Se po nuk erdhën në pushtet kthehet në fondacion. Të diskutojmë për krizën se nuk flasim dot me komisionet pa folur për krizën,” tha Tomor Alizoti dhe shton se asnjë palë nuk duhet të bëjë presion ndaj demokratëve ndërsa përfundon:
“Doni të më poziciononi. Nuk jam me asnjërin. Janë institucionet që zgjedhin krizën . Nuk thash për Kuvendin. Është faji i demokratëve dhe i Berishës që e ka lënë të dobët këtë. Nëse ka vullnet për të uzurpuar diçka, është e demokratëve. Mos me poziciononin në asnjë vend. Dua që kriza të zgjidhet. Ai që hesht të heshti. Demokratët janë në presion të paparë. Asnjëra palë nuk duhet të bëjë presion.”
