PD në zgjedhjet e 14 Majit, KAS rrëzon kërkesat e Berishës dhe Alibeajt

Komisioni i Ankesave dhe Sanksioneve, KAS, ka vendosur të mos marrë në shqyrtim si ankesën e Partisë Demokratike me Kryetar Sali Berishën ashtu dhe grupit Aliebaj për tu regjistruar në zgjedhjet lokale të 14 majit.

Grupimi i Enkelejd Alibeajt kundërshtoi një vendim të ndërmjetëm të KQZ-së që u njohu të drejtën të përdorin logon dhe vulën, por kërkoi që një deklaratë ku shprehej vullneti për zgjedhje të lira dhe të ndershme të firmoset nga Lulzim Basha.

Sipas grupimit të Bashës, letra është firmosur nga i autorizuari Enkelejd Alibeaj por që nuk u pranua nga Ilirjan Celibashi.

Sipas KAS, kërkesa e Alibeajt nuk është pranuar për shkak se KQZ-ja nuk ka marrë një vendim përfundimtar për këtë çështje, por ka vetëm një vendim të ndermjetëm.

KAS rrëzuar dhe kërkesën e Partisë Demokratike ku kërkohej të njihet si kryetar i PD, Sali Berisha dhe të përdorë vulën dhe logon e kësaj partie.

Sipas KAS-it kërkesa e tij nuk mund të pranohet për shkak se mungon legjitimiteti.