PD paralajmëroi bllokim seance, Rama një orë takim me Ruçin

Kryeministri Edi Rama ka zhvilluar paraditen e sotme një takim 60 minuta me kreun e Kuvendit Gramoz Ruçi.

Takimi me Ruçin vjen një ditë para seancës plenare në Kuvend, për të cilën opozita ka paralajmëruar se do e bllokojë, duke kërkuar dorëheqjen e Fatmir Xhafajt si ministër i Brendshëm.

Mësohet se mes dy drejtuesve është diskutuar për strategjinë që do të ndiqet nga mazhoranca gjatë seancës së nesërme plenare.

Të shtunën opozita organizon një protestë në bulevardin “Dëshmorët e Kombit” për të kërkuar largimin e Xhafajt.