PD përgënjeshtron policinë/ Kërkesa nuk ka afat…

Partia Demokratike ka paraqitur kërkesën e saj në Policinë e Tiranës për të marrë leje për protestën 1 ditore që do të zhvillohet nesër, kjo e fundi ka lejuar që tubimi të mbahet vetëm për 4 orë.

Por pas këtij lajmi reagoi Partia Demokratike, e cila thekson se kërkesa në fjalë që është depozituar nuk ka afat për zgjatjen e protestës.

Elona Meço, Drejtoresha e informacionit në PD tha se “Policia gënjen. Kërkesa nuk ka afat”.

Nesër në orën 11:00 opozita ka thirrur qytetarët në protestë, për të kërkuar largimin e ministrit të Brendshëm Fatmir Xhafaj. Që nga dita kur publikuan dosjen e plotë të dënimit të vëllait të ministrit, Agron Xhafaj, i cili rezultonte i dënuar si pjesë e një organizate të trafikut të drogës, demokratët kërkuan që Xhafaj të dorëhiqet.