PD: Pjerin Ndreu dhe Edi Rama tendera miliona eurosh dhëndërrit të Arben Ndokës
Partia Demokratike përmes zëdhënëses për Antikorrupsion, Genta Vangjeli sot ka denoncuar Kryetarin e Bashkisë Lezhë, Pjerin Ndreu, i cili i besoi dhëndrrit të arrestuar të ish-deputetit socialist në kërkim Arben Ndoka, kontratën “Riforcim i njësive të banimit, pallatet e dëmtuara nga tërmeti” me vlerë 1.7 milionë euro.
“Arian Tuku i arrestur pas zbardhjes së bisedave në SKY ECC mes bosëve të krimit dhe njerëzve të tyre në pushtet dhe polici, është dhëndri i Arben Ndokës, ish-deputetit të PS-së, i cili po ashtu është në kërkim.
Arian Turku është pronar i subjektit Eurocompany shpk krijuar në vitin 2018, e cila zbatoi kontratën nr. 23676/23, datë 19 Prill 2021 me objekt: “Riforcim i njësive të banimit, pallatet e dëmtuara nga tërmeti”,” tha Genta Vangjeli duke konstatuar se në këtë mënyrë Pjerin Ndreu dhe Edi Rama sigurojnë mbajtjen e pushtetit dhe mandateve në vijim ndërsa përfundon:
“Pasi dekriminlizimi u largon Arben Ndokën, ai fut dhëndrrin në lojë nëpërmjet Pjerin Ndreut me lejen e Edi ramës në mënyrë që edhe pse kokat ndryshojnë, pushteti të vazhdojë.”
Deklaratë:
Arian Tuku i arrestur pas zbardhjes së bisedave në SKY ECC mes bosëve të krimit dhe njerzve të tyre në pushtet dhe polici, është dhëndri i Arben Ndokës, ish-deputetit të PS-së, i cili po ashtu është në kërkim.
Arian Turku është pronar i subjektit Eurocompany shpk krijuar në vitin 2018.
Pjerin Ndreu Kryetar i Bashkisë Lezhë i besoi dhëndrrit të kolegut socialist në Kuvend, procesin e rindërtimit me kontrata të majme.
Eurocompany shpk ishte kontraktori i cili zbatoi kontratën nr. 23676/23, datë 19 Prill 2021 me objekt: “Riforcim i njësive të banimit, pallatet e dëmtuara nga tërmeti”.
Sipas të dhënave të Spending Data, një burim serioz për të evidentuar lidhjet e pushtetit me korrupsionin, që ka mbetur pa financime pikërisht për të të pamundësuar nxjerrjen e të dhënave që vërtetojnë këto lidhje, Eurocompany përfitoi 1.7 milion euro vetëm nga Qershor 2021 deri Dhjetor 2022.
Qarku i klikës kriminale në pushtet mbyllet sipas formulës: Zhvat Shqipërinë për të vjedhur zgjedhjet dhe vidh zgjedhjet për të zhvatur Shqipërinë!
Kështu Pjerin Ndreu dhe Edi Rama sigurojnë mbajtjen e pushtetit dhe mandateve në vijim.
Pasi dekriminlizimi u largon Arben Ndokën, ai fut dhëndrrin në lojë nëpërmjet Pjerin Ndreut me lejen e Edi ramës në mënyrë që edhe pse kokat ndryshojnë, pushteti të vazhdojë.
Nuk thonë kot: të gjithë rilindësit e kuq një turi kanë!
