PE 15 kushtet për Shqipërinë, Meta: Rrezikojmë integrimin, mund të kthehemi pas!
Ndonëse u mendua se Presidentit të Republikës, Ilir Meta, komunikimin e tij javor do ta filloj me Komisionin e Venecias i cili është mbledhur sot në për të diskutuar për GJykatën Kushtetuese, ai foli për ligjet që nuk i dekretoi dhe do të veproi ngjashëm me çdo ligj antikushtetues ndërsa shtoi se Shqipëria rrezikon rritje të borxhit publik dhe ekonomia në rënie dhe ajo informale mbeten problem.
“Duhet që të mbështesim biznesin e vogël. Dua të tërheq vëmendjen mbi faktin se kemi një borxh të lartë publik dhe borxhi po rritet gjithmonë e më shumë. Huamarrja duhet që të kontrollohet. Po ashtu, duhen mbrojtur më shumë ushqimet dhe mjedisi të mbrohet gjithashtu. Kemi borxhe të mëdha, po ashtu edhe shumë persona punojnë jashtë ligjeve.
Kjo sjell një treg të pasigurt si dhe mund të sjellë rritje të mos-stabilitetit politik e ekonomik të vendit. Dubhet të mbrojmë interesin publik dhe financat e shtetit. Do kthej çdo ligj antikushtetues. Duhen të mos lihen hapësira në ligje që rrisin korrupsionin. Interesi publik duhet vënë mbi të gjitha.”
I pyetur për amendamentin e miratuar nga Parlamenti Evropian me 15 kushtet për Shqipërinë, Meta tha se rrezikohet kthimi pas.
“Mendoj se kjo është një çështje e vjetër, në kuptimin e faktit se kushtet janë aty prej vitesh. Duke nisur me krye kushtin e parë dhe të pakalueshëm, zgjedhjet e lira dhe të ndershme. U bë 4 vite që përsëritet në mënyrë të vazhdueshme dhe nga Bundestagu gjerman çështja e zgjedhjeve. Duke nisur nga hetimi i zgjedhjeve lokale në Shijak e Dibër. Kushtet kanë qenë aty, janë këtu dhe duhet urgjentisht të përmbushen në mënyrë që vendi të ketë mundësi reale në një të ardhme të shpejtë që të hedh hapa para. Përndryshe me metodologjinë e re të BE, rrezikojmë të kthehemi pas në drejtim të procesit të integrimit europian që do të ishte dënim i pamerituar për popullin shqiptar,” tha Presidenti ndërsa paralajmëroi se ditën e hënë do të ketë një takim me kryenegociatorin e zgjedhur nga Kryeministri, Zef Mazi, që është dhe bashkëpunëtor dhe militanë i partisë kriminale, PPSH prej nga vjen dhe Ilir Meta.
“Me të kemi një bashkëpunim prej gati 3 dekadash dhe do të diskutojmë dhe lidhur me këto sfida dhe padyshim që përmbushja e 15 kushteve i jep kuptim të plotë dhe dëshirës dhe vullnetit të tij për të shkrirë të gjitha aftësitë e tij profesionale në shërbim të këtij procesi madhor të integrimit europian të vendit.”
Për dallim nga opnionet tjera të Komisionit të Venecias që nga bashëpunëtorët e Presidentit janë shpërndarë me raste edhe në mesnatë, sot kur ky Komision diskuton Gjykatën Kushtetuese, ai nuk u tregua shumë entuziastë:
“Asnjëherë s’kam pritur verdiktin e Venecias për aktet që kam kryer si presidenti i Republikës, pasi kam respektuar kushtetutën e Shqipërisë. Ajo është bërë sipas vet rekomandimeve të Venecias. Nuk pres që të dëgjojë konkluzionet e Venecias. Kam qenë i ndërgjegjshëm për këtë. Shpresoj që Venecia të ruaj integritetin e saj.”
Në fund u pyet edhe për deklaratën e kryeministrit Edi Rama i cili dje për Reformën Zgjedhore u shpreh se nuk ishte një reformë por një përpjekje për ta përfshirë opozitën në proces, Meta kujtoi Ish-Presidentin, kriminelin komunist, Ramiz Alia.
“Kur dëgjoj deklarata të tilla nuk më mbetet gjë tjetër veçse të kem pak nostalgji për Ish-Presidentin komunist Ramiz Alia, i cili i shtyu zgjedhjet në vitin 1991 për t’i dhënë mundësi opozitës që të merrte pjesë në zgjedhje.”
