Pejë, Edi Rama premton: Nga 01 Qershor 2019, nuk ka më tarifa dhe barriera doganore Shqipëri – Kosovë

Zero tarifa dhe zero barrierave doganore brenda 6 mujorit të parë 2019, Shqipëri- Kosovë. Ky është lajmi i shumëpritur nga shqiptarët të cilin e dha kryeministri Edi Rama në mbledhjen e pestë të dy qeverive, në ditët kur Kosova po përballet me një izolim të paparë si nga BE ashtu edhe Serbia e cila po shfrytëzon mekanizmat ndërkombëtar për të bllokuar zhvillimin e shtetit të Kosovës.

Filloi me protesta 

Fillimi i ceremonisë shtetërore të mirëseardhjes në Mbledhjen e Përbashkët të Qeverive të Shqipërisë dhe Kosovës, si dhe presioni i madh që po vinte nga Beogradi nuk ishte premtues për vijimësinë e mbledhjes edhe pse në Rendin e Ditës që ishte bërë publik, nuk kishte asgjë kontestuese.

Kryeministri i Kosovës, Ramusah Haradinaj, në hapjen e mbledhjes së përbashkët të qeverisë së Kosovës dhe të Shqipërisë është shprehur i bindur se nënshkrimi i nëntë marrëveshjeve dhe protokolleve, do të çojë në një të ardhme të afërt, deri në unifikimin e ekonomive të dy vendeve dhe jo vetëm aq.

Haradinaj tha se e di që populli i Kosovës dhe Shqipërisë presin më shumë nga dy qeveritë dhe nga këtu do të vazhdojnë me punë dhe angazhim në ballafaqimin e sfidave të shumta.

“Sot Kosova është palë kontraktuese me BE-në, MSA-në dhe njëkohësisht ka përmbushur të gjitha kriteret për liberalizimin e vizave dhe pret që e drejta e vet të respektohet nga e institucionet e BE-së”, tha ai

Por kryeministrit Edi Rama nuk ishte i qetë nër momentin e intonimit të hymnit kombëtar sepse nër sfond kishte protestues me pankarta ku shkruhej “Gruevskin e ndihmuat, Val Zekën e tradhtuat”. Bërhej fjalër përr familjarët e Grupit të Kumanovës, që kanë pritur mbështetje nga qeveria shqiptare, ndërrkoër veçohej parrulla: “Gruevski iku përmes Shqipërisë”!

Por në fjalërn e tij Edi Rama ishte kritik si ndaj Serbisë që po pengon Kosovërn nër rrugëtimin e saj ashtu edhe Bashkimit Evropian:

“Jemi të zhgënjyer nga qasja e BE-së dhe të gjitha atyre shteteve që duhet të njohin Kosovën dhe lëvizjen e lirë të saj. Themelimi i FSK-së ishte hapi i duhur për plotësimin detyrat e një shteti, që s’mund të konsiderohet nga askush si një gjysmë shtet. Shfaqjet e fundit si ato të INTERPOLIT, tregojnë skema frikrash dhe makthesh për tu viktimizuar në sytë të botës, ndërkohë që viktima, Kosova ka shprehur vullnetin për ta kapërcyer këtë me anë të një dialogu të sinqertë dhe të drejtpërdrejte,” u shpreh Kryeministri duke folur për dialogun me Serbinë. Kosova ka bërë hapa në këtë nismë, tha ai, por nuk po merr mbrapsht atë që i takon.

“Dialogu me Serbinë ka përparuar, duke ndjekur parimet reciprocitetit, por duke mos marrë mbrapsht atë që i takon. Frenezia me të cilën Serbia po e pengon njohjen e Kosovës në instancat e larta rajonale është sfiudese. Madje dhe kërkesat për tërheqjen e njohjes së Kosovës, nuk është shqetësuese, por është sfiduese,” tha ai duke shtuar se Serbia po tenton të pengojë njohjen e Kosovës, madje duke lobuar edhe tek shtetet që e kanë njohur tashme.

Me këtë rast Edi Rama tha se Ministri i Punës i Kosovës i kishte rrëfyer një rast kur Serbia tentonte të bindte përfaqësuesit e BE në Beograd që të hiqnin fjalën Republika e Kosovës nga fjalimi që pritej të mbahej në një aktivet ku merrte pjesë edhe shteti i Kosoves.

“Ministri i Punës dhe mirëqenies sociale të Kosovës më tregonte mbrëmë se si në Beograd deri në dy të natës me anë të të dërguarve të Evropës i kërkonin të hiqej fjala Republika e Kosovës nga fjalimi që do mbante të nesërmen në një mbledhje të përbashkët, ku edhe Kosova ishte e pranishme. What the Fu*k do thuhej në gjuhën e Parlamentit Evropian,” tha Rama.

Shqipëria, tha ai, do të jetë përkrah Kosovës dhe brenda 6 mujorit të parë të vitit të ardhshëm nuk do ketë më Roming mes nesh.

“Meqë ata nuk duan që ne të jemi pjesë e marrëveshjes së tyre të Romingut, ne bëjmë marrëveshjen tonë të Romingut. Brenda 6 mujorit të parë të vitit të ardhshëm, Shqipëria dhe Kosova kanë marrëveshjen  e tyre dhe nuk ka më Roming mes nesh.”

Tarifa e Romingut nënkupton telekomunikimin dhe shërbimin që qytetarët e përdorin në një vend tjetër nga një qendër e operatorit të telefonisë mobile. Këto tarifa janë kryesisht dyfish më të larta sesa ato që përdoren për telekomunikim brenda një shteti.

Kryeministri njoftoi edhe marrëveshjen për njohjen e  ndërsjelltë të patentave.

“Ne nuk jemi shqiptarët dhe serbët, ne jemi shqiptarët dhe shqiptarët. Marrëveshja për njohjen e ndërsjelltë të patentave. Patentat mes Kosovës dhe Shqipërisë nuk janë patentat mes Shqipërisë dhe Greqisë që na janë dashur gati 30 vjet negociata për të arritur në njohje reciproke. Patentat mes Kosovës dhe Shqipërisë janë patentat mes shqiptarëve dhe shqiptarëve.E tillë është gjithë lista e dokumentave.”

Duke theksuar katër mbledhjet e përbashkëta mes dy qeverive, Edi Rama tha se nuk ka nevojë të mbledhemi sërisht ndërsa ,për vendosjen e taksës 100 % për produktet serbe nga Qeveria e Kosovës e quajti “vendim normal nër kushte irracionaliteti” duke e mbyllë edhe këtë kapitull të çmendur historie:

“Ky është një vendim normal në kushte irracionale siç ato që përvijonë vijimsisht qasja e Serbisë.Ne nuk mund të mohojmë se marrëdhëniet dy palëshe nuk janë pa vështirësi, por ama këto vështirësi janë të kapërcyeshme kur ka vullnet të mirë për të shkuar drejt një horizonti të përbashkët. Zero tarifa dhe zero barrierave tarifore brenda 6 mujorit të parë Shqipëri- Kosovë. Nëse jemi këtu jemi këtu dhe duhet ta bëjmë dhe nuk ka nevojë të mblidhemi sërish. Sot është koha të vëjmë 100 % tarifa në veri të Kosovës dhe zero % në jug të Kosovës.”

Një tjetër çështje në favor të lehtësimit të bashkëpunimit dhe heqjes së barrierave të lëvizjes së njerëzve dhe mallrave ishte pika e unifikuar doganore në Morinë.

“Pika e unifikuar kufitare e Morinës dhe lehtësimi total i qarkullimit të njerëzve dhe mallrave është hapi që do të hedhim. Unifikimi i të gjithë të dhënave të sistemit tonë të përbashkët është detyra që duhet ta kryejnë të dy Ministritë e Brendshme.Të dhënat për të gjithë personat që hyjnë dhe dalin duhet të jenë të dhëna në perimetrin e jashtëm të Kosovës dhe Shqipërisë, brenda perimetrit duhet të funksionojmë si një kufi pa kufi. Shëndet!”

Të gjitha ata që këtë mund ta konsiderojnë tentativë për Shqipërinë e madhe, Rama u shpreh:

“Jemi të gatshëm ti presim  të gjithë ata që janë të shqetësuar, t’ua shpjegojmë si është kjo punë. Do jetë mesazh domethënës për të gjithë partnerët, për Serbinë në radhë të parë.”

Por në fund Edi Rama kishte dhe një mesazh për Serbinë, madje marrëdhënien me këtë shtet ai e vlerësori strategjike dhe afatgjate.

“Marrëdhënia jonë me Serbinë është strategjike në afatgjatë. Por nëse Serbia e shikon këtë si shprehje të një nevoje të njëanshme gabon. Kjo është një nevojë e dyanshme dhe për këtë nevojë të dyanshme Serbia duhet të ulet në tavolinë me një fytyrë dhe jo me tre fytyra, një për Kosovën, një për Shqipërinë dhe  një tjetër për komunitetin ndërkombëtar. Të zgjedhë cilën fytyrë do të përdorë në marrëdhëniet me shqiptarët. Ne jemi të gatshëm ti rrimë përballë me të njëjtën fytyrë që do të zgjedhë Serbia.”

.