Pelegrinazhi i përvitshëm në kujtim të masakrës greke kundër shqiptarëve/ Çfarë po përgatitin çamët

PDIU dhe Shoqata Çamëria organizojnë pelegrinazhin e përvitshëm në Varrezat e Kllogjerit në Sarandë.

Në këtë vend 74 vite më parë humbën jetën më shumë se 3 500 shqiptarë të çamërisë të cilët ishin dëbuar me dhunë nga trojet e tyre në çamëri.

Në këtë pelegrinazh pritet të marrin pjesë mijëra shqiptarë, ku i pranishëm do të jetë edhe Kryetari i PDIU, z. Shpëtim Idrizi.

Por pelegrinazhi këtë vit ka një veçanti, pasi ai zhvillohet në një kohë kur mes qeverisë Rama dhe asaj greke të Kryeministrit Alexis Tsipras po zhvillohen negociatat për zgjidhjes e çështjeve që konsiderohen të mbajtura pezull mes dy vendeve.

Mediat greke raportojnë se për kufirin detar mes dy vendeve negociatat po zhvillohen intensivisht, ndërkohë që për çështjen çame, duket se pritshmëritë mbeten të ulëta. Kjo edhe për faktin se nga pala shqiptare mungon agresiviteti kundrejt qëndrimit grek.