Pendarovski: Mandatin e merr ai që më bindë se ka 61 deputetë

Presidenti i Maqedonisë së Veriut, Stevo Pendarovski, ka deklaruar se mandati mund t’i jepet cilës do parti që arrin të bëjë shumicën prej 61 depuetëve në Parlament.

“Norma kushtetuese e nenit 90 për ndarjen e mandatit është e qartë – mandatin e merr kandidati i partisë ose partitë që kanë shumicë në Parlament dhe këtu presidenti praktikisht nuk ka kurrfarë hapësire për manovrim,” tha Pendarovski në një intervistë për të përjavshmen maqedonase “Fokus” duke saktësuar se nuk janë parashikuar kurrfarë kushtëzime shtesë si kërkesa për garanci, për karakterin unitar të shtetit, reforma në shërbimet e sigurisë etj. pasi gjithë atë që pamë në vitin 2017 ishte shkelje flagrante e aktit më të lartë juridik.