Pendohet Bordi i Transparencës, sot ul çmimet e karburanteve

Pa kaluar 24 orë dhe pas pakënaqësisë së shfaqur ndër qytetarë, Bordi i Transparencës ka ul çmimet e karburanteve ndonëse nuk kishte ndonjë lëvizje në bursë, së cilës në mënyrë abuzive i referohet ky Bord.

Kështu, çmimi i naftës është ulur me 9 lekë për litër dhe me vendimin e sotëm do të tregohet me 243 lekë nga 252 lekë për lekë sa ishte përcaktuar me vendimin e djeshëm ndërsa çmimi i benzinës është ulur me 12 lekë dhe do të tregtohet me 229 lekë nga 241 lekë për litër sa ishte vendosur me Vendimin e 5 Korrikut 2022.

Ndërkohë çmimi i gazit, ka vendosur Bordi, nuk ndryshon.

Çmimet e caktuara nga Bordi i Transparencës do të hynë në fuqi sot datë 6 Korrik ora 18.00 p.m dhe do të jenë të vlefshme deri në mbledhjen e ardhshme të Bordit.

Njoftim:

Bordi i Transparencës në datë 6 Korrik 2022, në mbledhjen e radhës vendosi:

– Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 243 lekë/litri, ndërsa i shitjes me shumicë jo më shumë se 231 lekë/litër.
– Çmimi i shitjes me pakicë i nënproduktit benzinë e standardit SSH EN të jetë jo më shumë se 229 lekë/litri,ndërsa i shitjes me shumicë jo më shumë se 217 ekë/litër.
– Çmimi i shitjes me pakicë i nënproduktit gaz, të jetë 81 lekë/litri me pakicë dhe i shitjes me pakicë 69 Lekë /litri.

Çmimet e caktuara nga Bordi do të hynë në fuqi sot datë 6 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.