“Peng i Edi Ramës me ‘Toyota Yaris”/ Përgjigje, Basha: Keqardhje, Sali Berisha po bjen poshtë e më poshtë!
Pas deklaratës së liderit historik të Partisë Demokratike Sali Berisha nga “Foltorja” e Burrelit se Edi Rama e mban peng Lulzim Bashën me çështjen e “Toyota Yaris” ka reaguar Kryetari i PD duke shprehë keqardhje për Berishën i cili, sipas tij, po bjen poshtë e më poshtë çdo ditë me trillimet dhe sulmet identike si të kundërshtarit.
“Çfarë keqardhje ta shohësh Sali Berishën të bjerë poshtë e më poshtë çdo ditë me trillimet dhe sulmet identike si të kundërshtarit. Ajo që deklaroi Sali Berisha sot është ekzaktësisht ajo për të cilën më akuzoi Edi Rama javën e kaluar,” thekson Lulzim Basha në reagimine tij përmes rrjetit social Twitter duke përfunduar:
“Përgjigjja ime ndaj Sali Berishës është e njëjta që i dhashë Edi Ramës. Asnjë trillim nuk do ta shndërrojë PD në mburojë të interesave personale.”
Ndryshe, dje lideri historik i PD, Sali Berisha iu përgjigj nga “Foltorja” e Burrelit kryetarit aktual Lulzim Basha pasi, siç tha Berisha, ai ishte ankuar para 3-4 ditësh se po e sulmojn me fjalët e Edi Ramës.
“Tani do t’i them: peng Basha në qoftë se Edi Rama apo cilido thotë një gjë që qëndron, Sali Berisha nuk e mohon kurrë. Është e vërtetë që Edi Rama të ka përmendur ty ‘Toyota Yaris’ në parlament, por është e vërtetë që ai e mban peng me ‘Toyota Yaris’ Lulzim Bashën sa për dijeni. Prandaj peng Basha, dil e sqaroje aferën e ‘Toyota Yaris’, ndave apo jo para me Taulant Ballën në atë aferë.
Na ngrihet një ditë të bukur në parlament, ditë të martë dhe thotë se ditën e shtunë do vijnë Toyotat me 5 mln euro. Ku e mësove këtë i thashë, më informuan tha. Por e çuditshme ishte kjo, eurot erdhën, por nuk u kthyen. I thashë pse nuk u kthyen ato euro pasi ti njoftove, epo tha ndiqeshin me GPS. Ashtu i thashë unë, mirë. I ndiqnin me GPS. Çudi i them unë, shumë çudi kjo punë. Eurot nuk u kthyen mbrapsht, ndonëse kishin 3 ditë për t’u kthyer e për të shkaur dhe në Australi apo Afrikë e Jugut po të donin. Erdhën në Durrës 1.5 mln euro më pak. Kanë ardhur disa herë heuesit belgë dhe z. Basha iu fshihet dhe nuk iu shkon. Nëse Edi Rama t’i përmend, të mban peng, unë të kërkoj transparencë,” tha Sali Berisha para demokratëve matjanë.
