Pensionistët protestojnë në Zagreb, kërkojnë dorëheqjen e qeverisë

Në mesazhin nga protesta në Zagreb, partia Pensionistët së Bashku, BUZ, sot i kërkuan Kryeministrit të Kroacisë, Andrej Plenkoviç të largohet për shkak se nuk ka shumicën parlamentare, ndërsa kritikuan paralajmërimin për rritje të pensioneve mesatare në 800 euro deri në vitin 2028 sepse, theksojnë, kjo nuk është një rritje reale.

“Është e vërtetë, siç thotë Kryeministri, se pensionet nuk kanë qenë kurrë më të larta. Është gjithashtu e vërtetë që nuk kemi pasur kurrë më pak,” tha Kryetari i partisë Pensionistët së Bashku, BUZ, nga protesta e cila u zhvillua në Sheshin Ban Josip Jelaçiç në Zagreb.

Në këtë situatë, partia Pensionistët së Bashku, BUZ, shohin vetëm një zgjidhje:

“Plenkoviç, largohu, nuk ke shumicë parlamentare! Zgjidhja e vetme janë zgjedhjet e parakohshme parlamentare dhe ne nuk do të kërkojmë asgjë tjetër.”

Ndryshe, protesta e partisë Pensionistët së Bashku, BUZ, u zhvillua sot në Zagreb me moton “Kundër varfërisë, korrupsionit, krimit dhe lakmisë”.