Pentagoni: Avioni i Ukrainës u rrëzua nga një raketë në Teheran

Avioni Boeing 737 i Ukraina International Airlines i cili të martën u rrëzua sapo u nis nga Aeroporti i Teheranit në Iran u godit nga një raketë, raporton Newsweek duke ju referuar një burimi të Pentagonit, një zyrtar i lartë i shërbimit sekret amerikan dhe një informator iranian.

Tre zyrtarët janē shprehur se avioni është rrëzuar nga një raketë ruse, Tor-M1 tokë-ajr.

Pentagoni vlerëson se avioni është rrëzuar rastësisht.

Ndryshe, avioni Boeing 737 i Ukraina International Airlines zyrtarisht u tha se është rrëzuar për shkaqe teknike sapo është nisur nga Aeroporti i Teheranit. Kur u gjetë kutia e zezë, autoritetet iraniane refuzuan praninë amerikane edhe pse palë legjitime nē realizimin e ekspertizës.

Të gjithë 176 udhëtarët dhe ekuipazhi kanë kanë humbur jetën, kanë bërë të ditur autoritetet iraniane.