Pentagoni rritë prezencën në Siri, mbrohet nafta nga ISIS

Pentagoni ka bërë të ditur se do rrisë prezencën amerikane në rajonin verilindor të Sirisë, për të parandaluar ndonjë kryengritje të re të ekstremistëve të grupit militant, Shteti Islamik, ISIS, me synim të pushtimit të zonave të naftës.

Ky vendim vjen disa ditë pasi presidenti amerikan, Donald Trump ka njoftuar për tërheqje të trupave amerikane nga zona e kufirit Siri-Turqi, duke lejuar forcat turke të krijojnë të ashtuquajturën “zonë të sigurt”, që nënkupton edhe largimin e luftëtarëve kurdë nga ky territor, raporton RFE .

Forcat turke dhe ato ruse tani janë duke patrulluar zonën afër kufirit që më parë ishte kontrolluar nga forcat amerikane dhe milicia kurde.

Një korrespodent i Agjencisë së lajmeve, AFP, ka raportuar se ka parë një patrullë ruse bashkë me disa flamuj të këtij shteti duke u larguar nga pjesa e Qamishlit.

Deklaratat e fundit e Pentagonit nuk ka specifikuar numrin e trupave apo vendin e saktë të operacionit të tyre, mirëpo duket se kanë qenë referencë për zonat e naftës në provincën, Deir el-Zour në Siri.

Sekretari amerikan i Mbrojtjes, Mark Esper, tha se qëllimi kryesor i prezencës amerikane është që ISIS-it t’i pamundësohet rikthimi i fuqisë përmes zonave të naftës.

Ndryshe, Kurdët kanë fituar kontrollin e territoreve me naftë në provincën, Deir el-Zour pasi kanë mposhtur militantët e grupit militant, Shteti Islamik më 2018