Për 3 vjet janë pastruar në ndërtim 1.6 mld euro, Basha: Kjo omerta merr fund, kur në këtë sallë…
Për tre vjet janë pastruar në ndërtim rreth 1.6 mln euro, tha sot në seancë plenare Kryetari i PD, Lulzim Basha, . Deklaratat kryedemokrati i bëri ndërsa fliste për Projektligjin për Parandalimin e Pastrimit të Parave dhe Financimit të Terrorizmit, duke shtuar se kjo qeveri nuk mund të luftojë dot pastrimin e parave, pasi është e kapur në përgjimet e antimafias me Ndragheta e Cosa Nostra
“Kjo pseudo-mazhorancë, anëtarë të së cilës prej disa vitesh shfaqen rregullisht në përgjimet e antimafias italiane e jo vetëm, ka sjellë në këtë seancë një projektligj me disa ndryshime mbi ligjin e parandalimit të pastrimit të parave.
Te të gjithë ata që e njohin mirë realitetin e përditshëm të Shqipërisë, qofshin shqiptarë apo të huaj, ata e që kanë parë e shohin përditë se si gjatë sundimit të kësaj pseudo-mazhorance, institucionet u gangsterizuan, llumi i shoqërisë u fut lirshëm në parlament e bashki, krimi i organizuar ka sekserët e tij në nivelet më të larta të qeverisë, në mendjet e të gjithëve. Pra lind rrufeshëm pyetja: a mund të jenë po këta që propozojnë masa për parandalimin e pastrimit të parave?
A mund të jenë këta që lejuan me urdhër politik kanabizimin e Shqipërisë, dhe shndërrimin e vendit në Kolumbinë e Europës dhe prodhuesin e parë të kanabisit në kontinent, sipas OKB-së, të njëjtëtë që mund të ndalojnë pastrimin e
A mund të jenë këta që lejuan që shifrat marramendëse të eurove që prodhoi trafikimi masiv i drogës, të pastroheshin pa kokëçarje në kryeqytet dhe në zonat më eksluzive të Shqipërisë, që janë edhe më të mbikqyrurat, frenuesit e këtij fenomeni?
A mund të jenë ata që kapitenin më të suksesshëm të betejës me drogën, kanë ministrin e parë të brendshëm të akuzuar për trafik narkotikësh, garantues të luftës për pastrimin e parave të pista?
A mund të jenë këta që në janar të këtij viti dolën në përgjimet e antimafias së Katanzaros, me titujt e tyre si kryeministër, ministra apo kryetarë bashkie, ku drejtues të një nga organizatave mafioze më të rrezikshme në botë, Ndraghetës, bënin plane për leje ndërtimi korruptive, në Tiranë e bregdet, tendera dhe koncesione, dhe llokma të përcaktuara qartë e me përqindje të majme, garantët që paratë nuk do të pastrohen më në Shqipëri?
A mund të jenë këta që jo më pak se 2 javë më parë dolën përsëri në përgjimet e antimafias italiane, këtë herë me një tjetër organizatë mafioze, po aq të rrezikshme sa Ndragheta, Cosa Nostra, si garantët e një operacioni të pastrimit të parave, për të cilin merrej si i mirëqenë bashkëpunimi i zv. kryeministrit dhe drejtuesit të Drejtorisë të Pastrimit të Parave, autorët e iniciativave parandaluese?
A ka nevojë t’iu përgjigjem që është ne majë të gjuhës së çdo shqiptari?
Përgjigjja është jo.
Mjaft të dalim nga kjo rrethinë e të shohim se si rrethone me skela centrifugat e qindra lavatriceve që pastrojnë paratë.
Në vendin ku baballarët përfundojnë në qeli se merimetojnë shtëpitë e tyre, ata që me bekimin e ktyre pastrojnë miliona euro vijojnë pa kokëcarje të hedh kat mbi kat përfitimet e parave të drogës. Asnjë sipërmarrës i ndershëm nuk i përballet dot interesave të tregut.
Këto nuk janë vetëm cilësime të Partisë Demokratike, por janë të evidentuara nga raportet ndërkombëtare të Këshillit të Europës dhe Departamentit Amerikan të Shtetit.
Shqipëria është renditur nga MONEYVAL, struktura e përhershme e Këshillit të Europës, në listen gri të vendeve me problem të mëdha në luftën kundër pastrimit të parave. Sipas Indeksit të Bazelit, këtë vit rreziku për pastrim parash është rritur në vendin tonë, duke humbur 28 vende në krahasim me vitin e shkuar, më të rrezikuarit në Rajon dhe Europë,” tha Lulzim basha duke cituar Departamentin Amerikan të Shtetit, sipas të cilit, Shqipëria mbetet e pambrojtur ndaj pastrimit të parave për shkak të korrupsionit, krimit të organizuar dhe institucioneve të dobëta ligjore dhe qeveritare.
“Vitin e kaluar Nisma Globale kundër Krimit të Organizuar Ndërkufitar, projekt i finaciuar nga GIZ-i gjerman dhe ministria e jashtme Norvegjeze, nxorri në pah skemën me të cilën financohen qiellgërvishteset që i kanë rrëmbyer diellin rrugëve të Tiranës, ku thuhet se “Rreth 60% e firmave të ndërtimit që kanë marrë leje në periudhën 2017- 2019 në kryeqytet, nuk justifikojnë burimet e tyre financiare, ndërsa vlerësohet se për këtë periudhë 3 vjeçare janë pastruar në ndërtim rreth 1.6 miliardë euro”.
1.6 miliardë euro!
Një shumë e frikshme që mban në këmbë ekosistemin ku gjallon krimi dhe korrupsioni, në të cilin ndërthuren interesat e politikanëve të korruptuar, oligarkëve të panginjur dhe botës së krimit, që e kanë kthyer Shqipërinë në një lavatriçe gjigande të pastrimit të parave, e cila nuk dëmton vetëm ekonominë, por edhe trashëgiminë, kujtesën historike dhe hapësirën publike, e cila, si gjithçka tjetër nën sundimin tuaj antiqytetar dhe antikombëtar, kthehet në plaçkë të fare pak njerëzve. Madje kjo lavatriçe nuk ndaloi së punuar edhe në ditët më të vështira për shqiptarët, gjatë momentit më kritik të pandemisë,” tha Basha nga foltorja e Parlamentit.
Me këtë rast Basha foli për një skemë mafioze të pastrimit të parave në sektorin e ndërtimeve ndërsa shtoi se institucionet shtetërore janë me kod omerta të mafies.
“Kur e gjithë ekonomia ndaloi, duke pësuar goditje edhe për shkak të paketave gjysmake që ju ofruat, çuditërisht ndërtimi pësoi një rritje të pashpjegueshme, me miliona metra katrorët beton të hedhura, jo të mbështetura në ekonominë reale, por në atë të zezë. Dhe po aq çuditërisht, në një vend të varfëruar dhe të mpakur nga largimi i qindra-mijëra bashkëqytetarëve tanë, ky shpërthim ndërtimesh nuk vepron sipas rregullave të ofertë-kërkesës. Sepse në vend që të ulë çmimin për metër katror, çmimi vetëm rritet.
Kjo prodhon një tjetër efekt negativ për shumicën e shqiptarëve që nuk fitojnë më shumë se 500 mijë lekë në muaj, sidomos familjet e reja, pamundësinë për të blerë një shtëpi me çmim të përballueshëm.
Sepse çmimin nuk e përcakton tregu, por korrupsioni, ryshfeti dhe paligjshmëria, pastrimi I parave të pista, korrupsioni qeveriatar dhe krimi i organizuar. Është ky karshillëk, që përbuz punën e ndershme, që përbuz mundin e burrave dhe grave të këtij vendi për të ndërtuar jetën e tyre këtu, me të cilin nxitet dhe ushqehet mosëesimi, apatia, dëshpërimi dhe në fund largimi nga vendi si e vetmja zgjidhje..
Ndërsa e gjithë kjo skemë mafioze vijon të veprojë, pavarësisht asaj që shohim me sy të lirë në qytetet tona dhe në bregdetin tonë, pavarësisht alarmit të ngritur nga partnerët ndërkombëtarë, nga organizatat, studiuesit, nga media vendase dhe e huaj, Kryetari i PD thotë se asnjë nga institucionet përgjegjëse nuk vë ujin në zjarr, nuk pyet, nuk heton, nuk monitoron këto leje ndërtimi që u jepen kompanive fantazmë, askush nuk ndjek paranë.
“Kjo omertà institucionale, ky kod heshtje që është i mafies dhe subjekteve të saj, zbulon si fajtorë të gjithë ata që kanë detyrën të mos e lejojnë Shqipërinë të kthehet në një parajsë për pastruesit e parave dhe miqve të tyre në politikë. Nga ana tjetër mosveprimi dhe paraliza e institucioneve dhe e shtetit të kapur e shndërron atë në një ferr pandershmërie dhe pandëshkueshmërie për qytetarët që kërkojnë standarde europiane për të ndërtuar jetët e tyre dhe familjeve të tyre. Kjo omertà po prodhon një ekonomi të droguar, që nuk pasqyron forcat normale të tregut, që prodhon një rritje fiktive në letër, pa vende pune, pa fuqi blerëse, pa mirëqenie përveç mishngrënësve të Nusretit dhe kryeministrit me avion privat qeveritar e një grushti oligarkësh. Ju krekoseni me sukseset tuaja imagjinare, por në fakt kjo omertà gjymton konkurrencën, iniciativën e lirë, ëesimin te shteti dhe institucionet, që shihen sic në fakt janë kthyer në legjitimuese të krimit dhe korrupsionit që kryet për të gjeneruar këto para.
Fundi i kësaj omerta-je, e përsëris dhe do ta përsëris derisa SPAK qilimkuqit t’i dalin për së mbari kicat, pret që drejtësia të mos fshihet pas gishtit, por të hapë sytë. Nuk është e vështirë. Mjafton të ndiqni paratë, mjafton një xhiro në këmbë në Tiranë, të ngrini kokën lart, e teksa ju merren mendtë nga katet që mezi numërohen, t’i shtroni vetes pyetjet që çdo qytetar i këtij vendi i bën vetes kur sheh që kullat mbijnë si kërpudhat pas shiut të parave të pista. Parave të pista që kjo qeveri lejon, e që heshtja e SPAK-ut dhe institucioneve të tjera legjitimon, me hetimet që nisen e nuk bitisen,” tha Basha që edhe me këtë rast bëri sërish thirrje që të pranohet kërkesa për Vettingun në politikë.
Lulzim Basha mendon se lufta kundër pastrimit të parave duhet të nisë nga salla e Parlamentit dhe kjo çështje duhet të trajtohet me kurajë, pa frikën e fatit personal të askujt.
“Kjo omerta merr fund, kur në këtë sallë, edhe ata nga ky krah i parlamentit, që nuk duan të digjen si i njomi me të thatin, do të pranojnë se kjo e keqe, që sot pretendoni të ndaloni me këto propozime në ligj, e ka origjinën të e keqja më e madhe që ka kapur shtetin. Te korrupsioni, i cili përpara se të pastrohet në mënyrë të ndjeshme nga sektorë të ndryshëm të ekonomisë, duhet të shfaroset së pari nga kjo sallë.
Duke pastruar këtë sallë nga të gjithë ata që bëhen pengesë e zhvillimit normal politik, ekonomik dhe social të vendit për shkak të të abuzimeve që kanë kryer duke shpërdoruar besimin e qytetarëve, duke pasuruar veten, në dëm të qytetarëve të shtetit më të varfër të Europës,” tha Basha duke shtuar se përballë fakteve që renditi, dhe që lehtësisht mund të verifikohen nëpërmjet dokumentave zyrtare, nga ato te SHISH, deri tek ato ndërkomëëtare, që tregojnë sa serioz dhe alarmant është fenomeni i pastrimit të parave, është e qartë se ai nuk mund të zgjidhet me ndryshime estetike, kinse për të përafruar legjislacionin tonë me atë të BE-së.
“Për përballjen me këtë gangrenë të rëndë, ka një rrugë, ka një zgjidhje, një pikënisje. Pranoni për veten tuaj, pranoni për politikanët atë që kërkoni të ëëni të detyrueshëm për noterët, që ju keni sjellë si propozim në kuadër të luftës kundër pastrimit të parave. Vettingun. Nëse ky mjet gjykohet nga ju si i nevojshëm për noterët, nëpërmjet të cilit synohet pengimi i pastrimit të parave, e njëjta logjikë duhet të jetë e vlefshme për politikanët. Pse të kemi një trajtim preferencial, pse dy standarde?,” tha Kryetari i PD duke shtuar se për dallim me noterët, përgjegjësitë e politikanëve janë shumë më të mëdha, impaktet e vendimeve të politikanëve janë shumë më serioze, ndaj edhe cilësia e politikanëve, pastërtia e figurës së politikanëve, që doemos reflekton edhe vendimmarrjen kundrejt interesit të publikut, e bën të moralshme edhe përpara qytetarëve, që politikanët të parët të kalojnë nga ky filtër.
“Pra, kjo çështje është shumë e thjeshtë, dhe duhet të trajtohet me kurajo, pa frikën e fatit personal të askujt. Për të ndalur pastrimin e parave, dhe deformimet e panumërta që pandëshkueshmëria dhe korrupsioni dhe lidhjet me krimin kanë prodhuar në ekonomi dhe në shoqëri, duhet të fillojmë me pastrimin e politikës. Kjo është çështja kryesore, këtu ndahet e shkuara nga e ardhmja,” tha Kryetari i PD, Lulzim Basha duke përfunduar:
“Çdo debat tjetër është një shtytje e panevojshme e një shfaqeje që shqiptarëte kanë vuajtur në kurriz për shumë gjatë, duke e lënë vendin në pozita të pamerituara në krahasim me shtete të tjera, por sidomos në raport me ku duhet të ishte për shkak të burimeve natyrore që i ka falur Shqipërisë Zoti dhe potencialin njerëzor që ka.”
