8 vjet dështime e dëme të mëdha, Basha: Me 25 prill Rama do të humbasë

Duke përkufizuar 8 vitet e qeverisjes së Kryeministrit Edi Rama vetëm me dështime dhe dëme të mëdha, Kryetari i Partisë Demokratike, Lulzim Basha, shprehet se më 25 prill Rama do të humbë e Shqipëria do të fitojë.

“Për 8 vjet Rama solli vetëm dështime e dëme të mëdha. Më 25 prill Rama do të humbë e Shqipëria do të fitojë,” shprehet Lulzim Basha duke renditur dështimet e Edi Ramë ndërsa i shoqëron dhe me një video:

Mesazhi:

Kemi marrë goditje të rënda dhe jemi përballur me sfida të mëdha.
E di që disa prej jush jeni të pakënaqur, që nuk janë përmbushur të gjitha pritshmëritë e këtij mandati të dytë…

As unë s’jam i kënaqur. Jo sot, por asnjëherë. Por të mos harrojmë çfarë kemi hequr…

Ju keni hequr shumë në fakt,

Aq sa keni trefishuar pasuritë
Keni rritur taksat dhe borxhin publik.
Keni i shpërdoruar 1.2 miliardë euro të shqiptarëve.
Keni kriminalizuar politikën.
Keni kanabizuar vendin.
Keni kaluar Sirinë për numrin e azilkërkuesve.
Keni lënë Shqipërinë në vendnumëro.
Keni dhënë më shumë se 2 miliardë euro me PPP.

Dhe aty ku po aktron, keni falsifikuar firmën e sekretarit amerikan të shtetit, për të fituar 20 milionë euro për 1 kilometër rrugë.

Jo, nuk do të harrojmë.