Për herë të parë në histori, në krye të Kishës së Anglisë emërohet një grua

Për herë të parë në historinë e Kishës së Anglisë, Ish-Ipeshkvi i Londrës Sarah Mullally është emëruar si Kryepeshkopi i 106-të i Canterbury-t. Emërimi i saj si Kryepeshkopi i 106-të i Canterbury-t u konfirmua zyrtarisht sot.

Sarah Mullally mori zyrtarisht detyrën në një ceremoni në Katedralen e Shën Palit, përpara kurorëzimit që do të mbahet në Katedralen e Canterbury-t në muajin mars.

Kështu, ajo u bë zyrtarja më e lartë në Kishën e Anglisë, e cila bashkon 85 milionë anglikanë në të gjithë botën. Përpara shërbesës, Mullally foli për shpresën e saj për të udhëhequr Kishën “me qetësi, vazhdimësi dhe dhembshuri” në atë që ajo e përshkroi si “një kohë përçarjeje dhe pasigurie për këtë botë të ndarë tonën”.

Kryepeshkopi i parë femër

Kryepeshkopi i Yorkut, Stephen Cottrell, tha se kishte pasur mundësi për kundërshtime ligjore, por meqenëse nuk ishte marrë asnjë, procesi do të vazhdonte pa pengesa.

Mulally shërbeu si Peshkop i Londrës për gati një dekadë dhe gjithashtu punoi si infermiere. Në tetor, ajo u emërua zyrtarisht gruaja e parë në historinë e Anglisë që mbante pozicionin e kryepeshkopit kryesor.

Edhe pse kreu i Kishës së Anglisë është teknikisht Mbreti i Anglisë, personi që mban postin e Kryepeshkopit të Canterbury është udhëheqësi shpirtëror i Kishës dhe i Communionit Anglikan në mbarë botën.

Kisha vlerësohet të ketë pasur 1.02 milion anëtarë të rregullt në vitin 2024, nga 1.01 milion në vitin 2023.