“Për inat të Edi Ramës”/ SEECP, Ilir Meta avancon marrëdhëniet me Beogradin, i nënshtrohet edhe kriminelëve serb të Bosnjes!

Ndonëse SEECP është një iniciativë e cila funksionon nga viti 1996 me qëllim të forcimit të bashkëpunimit rajonal, sigurisë dhe stabilitetit, bashkëpunimit ekonomik si dhe bashkëpunimit në fushën e drejtësisë, luftës kundër krimit të organizuar dhe terrorizmit, Kryesuesi i Presidencës së Bosnje Hercegovinës si kryesuese e radhës së kësaj iniciative, krimineli serb Millorad Dodik, këtë bashkëpunim rajonal e mendon vetëm pa Kosovën.

Në këtë situatë, kur Kosova nuk u ftua si shtet ajo vendosi të mos marrë pjesë në Samitin e shteteve anëtare të Procesit të bashkëpunimin në Evropën Juglindore, SEECP, i cili filloi në Jahorinë të Sarajevës; Me Prishtinën zyrtare u solidarizua Tirana zyrtare për shumë arsye dhe pse nuk përjashtohet edhe propaganda patriotike, por jo edhe Presidenti Ilir Meta i cili iu nështrua kriminelit serb Millorad Dodik.

Kështu, konflikti i brendshëm politik Rama-Meta u zhvendos në marrëdhëniet Tiranë-Beograd duke pësuar një avancim të dukshëm me ndihmën e  Presidentit të Republikës, që nuk ishte shënuar nga viti 1946. Tashmë Tirana i nënshtrohet edhe serbëve të Bosnjes ose më saktë kriminelëve të Banja Llukës që vazhdojnë të jenë në shërbim të Moskës dhe Vladimir Putinit!    

Deklarata e përbashkët

Përkundër faktit se fundin e kryesimit njëvjeçar të kryesimit të SEECP nga Bosnje Hercegovina e njollosi konflikti i nikoqirit me zyrtarët kosovarë që e bojkotuan sepse Kosova nuk ishte ftuar si shtet i pavarur, meqë, siç thuhet, BeH nuk e ka pranuar si shtet, pritet që pjesëmarrësit e këtij takimi në Jahorinë të miratojnë një deklaratë të përbashkët e cila në parim është rënë dakord  në nivel teknik në mbledhjen e cila u zhvillua dje.

Me deklaratën e të gjitha shteteve anëtare konfirmohet gatishmëria për vazhdimin e veprimit të përbashkët i cili ka filluar përmes kësaj iniciative në vitin 1996.

Në deklaratën e propozuar theksohet se perspektiva e anëtarësimit të shteteve të kësaj pjese të Evropës në Bashkimin Evropian u tregua si nxitësja më e fortë për zbatimin e reformave dhe ruajtjen e paqes dhe stabilitetit në rajon.

“Është e domosdoshme të mbahet kjo nxitje për zgjerimin e BE dhe përcaktimin në vijimësi për zbatimin e reformës në mënyrë që të vazhdoj zgjerimi,” theksohet në draftin e deklaratës së këtij samiti të SEECP e cila do të  miratohet në fund të Samitit.

Anëtaret e SEECP janë dakord se duhet të vendoset një koordinim më të mirë  në mes të iniciativave të ndryshme rajonale në mënyrë që të anashkalohet mbivendosja e projekteve të ndryshme ndërsa I japin mbështetje  vazhdimit të Këshillit rajonal për bashkëpunim, RÇ, me seli në Sarajevë. Ndryshe, në Samitin e SEECP që po zhvillohet në Jahorinë të Sarajevës marrin pjesë shefat e shteteve të pesë nga 13 shtetet anëtare. Përveç anëtarëve të Presidencës së Bosnje Hercegovinës, Millorad Dodik, Zhelko Komshiç dhe Shefik Xhaferoviç  si dhe Ilir Metës, në Samit marrin pjesë Presidenti i Turqisë, Recep Tayyip Erdogan, Malit të Zi, Milo Gjukanoviç dhe ai Maqedonisë, Stevo Pendarovski. Serbia dhe Bullgaria përfaqësohen nga kryeministrat Ana Brnabiç dhe Boyko Borisov, derisa shtetet tjera nga përfaqësues të ministrive të jashtme.