Për me shkrue zotni…

nga At Gjergj Fishta

Për me shkrue zotni n’gazeta
Duhet shkruesi t’ jetë ma parë
Njeri i ndershëm e atdhetar,
T’ jetë fisnik, zemër-bujar,
Jo intrigant e ngatrrestar
Edhe kenë mos t’ket hafije
Mandej duhet që t’ ketë dije-
Dije t’hàpt n’ekonomi,
N’histori e në tregti,
N’politikë e në drejtsi;
Edhe t’dije shk’ asht shkolla e msimi
Shk’ asht lirija e qytetnimi,
T’ jetë shqiptar në shkrim e n’gojë,
Fjala n’pendë mos t’i ngurrojë:
Mbarë e mbarë puntë t’i kallzojë
Me t’ ngushtue me kndue përdhuni
Shka ndër shtylla ai rresht vuni,
Tashti, pra nji sallahan,
Vagabond e shakllaban,
Njeri idiotë e laraman,
Që mendon se për taman
Te tanë botë rri n’ “sahan”,
Çka mund t’ shkruej, po t’pyes unë ty
Ky qi as byk nuk ka në krye,
Jo ma tru?…