“Për të harruar Kosovën bënë krepa, ofron petulla, e çorbën tashmë na ka zier!”

Pas përrallave me litiumin dhe krepat për ushtrinë, Presidenti i Serbisë, Aleksandar Vuçiç u pa në spitalet serbe i habitur se si për të bërë legenin ose gjurin operacion presin deri në katër vjet, dhe kërkoi nga mjekët që kjo të zgjidhet deri në qershorin e vitit 2025!

Këta të fundit, mjekët, theksojnë se ky problem është me dekada dhe pse i përmend tani Presidenti është një populizëm ordiner, dhe gjithçka po bënë vetëm që të harrohet Kosova.

Por, ky është Aleksandar Vuçiç, vëllai siamez i Edi Ramës! Shkon në inspektimin e rikonstruksionit të rrugës Bojiç-Tekerish, dhe thotë se do të bisedoj me Ministrin e Shëndetësisë, Zlatibor Lonçar, dhe Kryeministrin Milosh Vuçeviç, se Serbia nuk mund të ketë 7.200 njerëz që për momentin presin për operacion të kataraktit. Katër ditë më vonë, gjatë një vizite në poliklinikën e qytetit të Loznicës premton kot: “Deri në fund të shtatort duhet të bëjmë zgjidhjen. Deri në qershor ose fundin e vitit 2025 që mos të kemi listë pritjeje për asgjë. Mjaft kemi duruar, edhe paaftësinë tonë, abuzimin dhe përtacinë. Kjo duhet marrë fund,“ tha Vuçiç.

Por, mjekët e njohur serbë nuk entuziazmohen nga fjalët e Presidentit ndërsa vazdhojnë e përballen çdo ditë me këtë realitet. Ata, për të përditshmen serbe “Danas” thonë se ai nuk ka pse luan rolin e Ministrit të Shëndetësisë dhe të bëjë diçka që nuk është në kompetencën e tij. E sikur qëllimi i tij të ishte i sinqertë, për ta rregulluar shëndetësinë, ai nuk do ta emëronte sërish Zlatibor Lonçarin për ministër.

Ndërkohë epidemiologu Dr.Zoran Radovanoviç është edhe më konkret, ai thotë se gjithçka po bënë vetëm të harrohet Kosova!

“…krepa, petulla, litium…”

Që nga COVID-19 e mbajmë mend se si përfundon diçka kur vendos Vuçiç, thotë epidemiologu Dr.Zoran Radovanoviç duke kujtuar kohën kur Serbia kishte nevojë për respirator e Presidenti i Serbisë fliste se çfarë pajisje duhen dhe si përdoren ato!

“Të gjitha do ti bënë vetëm të harrohet Kosova, për të cilën jetën do ta jepte, por nuk ka kohë sepse e ruan popullin nga garipët e Rio Tintës. Bënë krepa, ofron petulla, e çorbën tashmë na ka zier,” e thotë me ironi Dr.Radovanoviç pas vizitës së Presidentit serb Vuçiç në qytetin e Loznicës për shkak të kompanisë Rio Tinta dhe minierën e litiumit që do hapin.

Deputetja e Lëvizjes Popullore dhe gjinekelogja Dr.Snežana Rakiç mendon se nuk është çështja të zgjidhen listat e pritjes, por si u krijuan.

“Presidenti nuk është Ministër i Shëndetësisë, kjo nuk është madje kompetencë e tij fare. Nuk është çështja të zgjidhen listat e pritjes, kjo është e lehtë, përfshihet sektori privat, por, çështja është pse dhe si u krijuan. E, u krijuan, për arsye se për dhjetë vjetë në Ministrinë e Shëndetësisë janë po të njëjtit drejtor ashtu si dhe në institucionet tjera shëndetësore. A do të përgjigjet dikush për këtë situatë të krijuar, unë sinqerisht mendoj se jo. Ata tani me shpejtësi do të shikojnë se si do ta zgjidhin atë që u ka thënë presidenti,” thotë Dr.Rakiç.

Por, pulomologu Dr.Dejan Zhujoviç është më i ashpër për veprimet e Vuçiçit ndërsa vlerëson se nu ka kapacitet të kryej punën që bënë.

“LIsta e pritjes në sistemin shëndetësor është problem me dekada të tëra që nuk zgjidhet në studion e televizionit Pink, por me një analizë dhe miratimin e një strategjie që do të ishte e detyrueshme,” vlerëson Zhujoviç duke kosntatuar se sistemit shëndetësor serb i mungojnë kuadro, disa specilizime janë deficitare, si anesteziologë e pediatër.

“Për këtë arsye do ti lutesha presidentit le të merret me diçka që merret vesh, nëse ekziston diçka e tillë. Shkatërrimi i sistemit shëndetësor pjesë e të cilit jam, filloi me hapat e tij të parë politik dhe nuk kam besim se dikush që ka prirje për shkatërim mund të rregulloj diçka,” ishte i prerë Dr.Zhujoviç.

Listat e pritjes me dekada është një realitet me të cilin përballen pacientët dhe punëtorët shëndetësor, e konfirmon edhe anesteziologu dhe anëtari i Sindikatave të mjekëve dhe farmaceutëve të Serbisë, Dr.Rade Paniç, e për Vuçiçin thotë se përveç se nuk është kompetent për ta zgjidhur si problem, sa më larg që do ti rrijë shëndetit të pacientëve edhe për punëtorët shëndetësor do jetë më mirë.

“Premtim i gëzimit të çmendur! Kishte dëshirë presidenti ti jap avionit që të çoj respiratorët, dhe më pas i mbajti leksion mbi respiratorët mjekut specijalist, u.d. drejtorit të qendrës spitalore në Pazarin e Ri. A është kompleks aspo çrregullim i theksuar narcisoid i personalitetit, gjithsesi është presidenti ai i cili fut hundët në çdo çorbë që zihet. Për këtë çështje absolutisht jokompetent. Arsyeja pse foli për listat e pritjes është populizëm ordiner. Sikur qëllimi të ishte i sinqertë, nuk do të ishte Zlatibor Lonçar sërisht ministër. Kishte kohë tre mandate për të zgjidhur listën e pritjes. Pra, kjo çështje u iniciua për të mbuluar lajmet e këqija për pushtetin që janë gjithnjë e më aktuale. Ka ardhë koha për të paguar uljen në disa stola – Kinë, Rusi, BE dhe SHBA – dhe dhënien e premtimeve nga më të ndryshmet,” vlerëson për të përditshmen serbe “Danas” anesteziologu Dr.Rade Paniç, i bindur se përmirësim nuk do të ketë, e për zgidhjen e problemit, në Qendrës Spitalore Universitare të Serbisë në Beograd ku ai punon, vetëm mund të shohim ëndrra. pafrike.al © Të gjitha të drejtat e rezervuara