Përdhosja e Ditës Pavarësisë, Erion Veliaj shpallet “Qytetar nderi” i Prizrenit!
Në kuadër të festimeve të 15 vjetorit të pavarësisë së Kosovës, Kuvendi Komunal i Prizrenit u kujdes që ta përdhos këtë festë historike edhe me solemnitet.
Ndonëse anëtarët e Grupit Parlamentar të LDK në Kuvendin Komunal deklaruan më 6 Shkurt se tërheqin firmën nga vendimi për ta shpallur Kryetarin e Bashkisë Tiranë, Erion Velaij, “Qytetar Nderi” të Prizrneit, pasi ai më 4 Shkurt i ndryshoi emrin e rrugës “Ibrahim Rugova” në Tiranë në “Dëshmorët e 4 Shkurtit”, sot ndodhi ajo që paralajmëroi dhe ishte i vendosur Kryetari Shaqir Totaj: Erion Veliaj u shpall Qytetar Nderi i komunës së Prizrenit!
“Për qëllime të përbashkëta jemi bashkë dhe duhet të maksimalizojmë kohën për të çuar dy vendet tona përpara,” tha kryetari i Bashkisë Tiranë, Erion Veliaj, duke falendëruar Kuvendin Komunal të Prizrenit për këtë nder ndërsa shtoi se ndjen obligim ta promovojë këtë qytet.
Në arsyetimin e tij para Kuvendit Komunal të Prizrenit, Kryetarit Shaqir Totaj përveç se gënjeu për Erion Veliajn, se “nën drejtimin e z. Veliaj, Unioni i Bashkive Shqiptare, i krijuanr nga ai, ka avancuar kauzën e shqiptarëve në rajon, duke iu ofruar qeverisje më të mirë lokale, shërbime më të mira, zgjedhje më të mira për jetesën e komunitetit, cilësi më të mirë në të gjithë faktorët e jetës që preken nga puna e bashkisë,” Totaj nuk respekton as përdhosjen që ky njeri i bënë shqiptarëve të Mitrovicës!
Mirë që nuk lejon vendosjen e bustit të Ibrahim Rugovës në Tiranë, mirë që vendos ta shkurtoj rrugën “Ibrahim Rugova” duke i vendos një emërtim të ri, por pikërisht në këtë ndryshim kujdeset që të zë vend “Masakra e 4 Shkurtit”, një sajesë komuniste e cila për autor akuzon partriotin e madh shqiptar, Xhafer Deva.
Marrëzia merr përmasa edhe më mëdha, kur për të nderuar Kryetarin e Bashkisë Tiranë, përzgjedhet për tu përdhosur pikërisht qyteti ku Xhafer Deva i denigruar nga Erion Veliaj, kishte organzuar Lidhjen e II-të të Prizrenit!
E kur jemi te Xhafer Deva dhe Mitrovica, e ka parë ky Shaqiri të kujdeset Erion Veliaj me këtë Unionin e tij meqë na qenka angazhuar për “zgjedhje më të mira për jetesën e komunitetit, cilësi më të mirë në të gjithë faktorët e jetës që preken nga puna e bashkisë,” të jetë shqetësuar për përmbytjet që ndodhën së fundi në Mitrovicë dhe Skënderaj që ndodhën së fundi, apo pak rëndësi ka, këto komuna të pëmbytura janë larg Prizrenit; Se sa larg Unionit janë u kuptua Shaqir Totaj!
Kështu, Kryetari i Komuës së Prizrenit, Shaqir Totaj, me këtë vendim nuk përfilli përdhosjet që Erion Veliaj i bënë shqiptarëve të Kosovës jo vetëm me këtë rast, por, nuk dihet si do të veprojë nëse xhelozon Presidenti Serbisë, Aleksandar Vuçiç, dhe i kërkon Edi Ramës të shpallet dhe ai “Qytetari Nderi” i Prizrenit për meritat e veçanta që ka në avancimin e kauzës antishqiptare me Ballkanin e Hapur, po aq sa Erion Veliaj me kosovarët në Tiranë dhe jo vetëm!
Këtu pritet përgjigja e Shaqirit pasi Edi Rama u pa fundjavëne kaluar ti vërdallosej shadërvanit, madje piu edhe ujë! Se çfarë kishte në mendje ndërsa rrufiste ujin e fatit në Prizren, një Zot e dinë…
