Përdhosja e Shqiponjës/ Zbulohet autori i çmendurisë, Edi Ramës i ka mbetur vetëm ngjyra e kuqe e flamurit kombëtar…
“Zografi bis dhe Lal Plehu i tij, në një akt antikombëtar heqin simbolin e kombit, ‘Shqiponjën’ nga sheshi me emrin e saj në hyrje të Tiranës ku u vendos me rastin e 100 vjetorit të pavarësisë! sb”
Mjaftoi ky status në rrjetin social Facebook i Ish-Presidentit Sali Berisha, që kryeministri më vulgar i Evropës, të cilin e solli Serbia me ndihmën e Ilir Metës në fronin shqiptar, të shpërfëtyrohet duke treguar se, PO, është ai që i vuri fadromën “Shqiponjës së Pavarësisë”.
Edi Rama, i cili përdhosi figurën e Presidentit të Republikës në ditën e parë të sundimit të tij fashist urdhëroi largimin e figurës së Presidentit nga institucionet shqiptare. E meqë e sollën edhe serbët, në stilin e politikës serbe, figurën e Presidentit e zëvendësoi me figurën historike, Ismail Qemali.
Ky ogur i zi për disa u quajt Rilindje ashtu siç e cilësoi vetë autori, Ilir Meta heshti por institucionalistët parashikonin ditë të zeza për shtetin shqiptar. Kështu dhe ndodhi! Shiti nëntokën dhe mbitokën shqiptare, për të ardhur më në fund tek simboli kombëtar, flamuri. Fillimisht e goditi shqiponjën, atë që ishte vendosur në hyrje të kryeqytetit shqiptar për 100 vjetorin e Pavarësisë. Mbreti Zog në 25 vjetorin e Pavarësisë kishte angazhuar edhe zoolog për të vajtur në Skoci në mënyrë që shqiptarët ta kenë një shqiponjë të saktë në flamurin e tyre, ndërkohë sot kryeministri Edi Rama e quan vulgaritet:
Ky postim i Edi Ramës nxiti reagime të ashpëra ndaj një statusi jo të denjë për njerëz normal. E kryetari i PD, Lulzim Basha si njëri ndër protagonistët kryesor i vendosjes së kësaj Shqiponje në 100 vjetorin e Pavarësisë, duke reaguar në rrejtin social Twitter ndaj çmendurisë se kryeministrit, shkruan:
“Ramën çfarë nuk sjell pará në xhepat e tij dhe oligarkëve është pa vlerë, ndaj shkatërron Shqiponjën e 100 Vjetorit të Pavarësisë!”
Edi Rama nuk vonon dhe i kthen përgjigje edhe shqiptarëve se Shqiponja iku:
“Nejse, lëre shqiponjën, iku! Shiko veten Artist.”
Ndonëse ky fenomen, kjo lloj sjellje është për psikologun, kryetari i PD, Lulzim Basha tha se nesër do të bëjë publik skandalin financiar pse është larguar “Shqiponja e Pavarësisë” dhe pse do prishen godinat në Unazën e Re
“Kryehajduti për të mbushur xhepat e tij nuk ndalet para lotëve të
fëmijëve, as para shtëpive të njerëzve dhe as para simboleve
kombëtare. Pse u hoq Shqiponja? Ç’aferë fshihet pas shkatërrimit të 300 shtëpive te Astiri? Nesër me fakte e dokumenta skema e
hajdutërisë te Unaza e Re.”
Ndërkohë përgjigje merr edhe nga Ish-Presidenti Sali Berisha, i cili kështu e shpjegon këtë çmenduri të kryeministrit Edi Rama:
“Neobllokmeni Edvin Kristaq Zografi bis hakmerret per atin e tij shpirteror, xhelatin e shqiptareve Enver Hoxha, duke perseritur me Shqiponjen, simbolin e kombit, rrezimin e saj me litar! sb”
Pas veprimit kriminal të Edi Ramës ndaj “Shqiponjës së Pavarësisë” mbrëmjen e së enjtes, ishte Pa Frike https://www.pafrike.al/unaza-e-re-godet-shqiponja-simboli-i-qeverisjes-berisha-basha-sot-eshte-germadhe-simbol-i-qeverisjes-rama-lali-eri/ që reagoi e para duke denoncuar një veprim që nuk kishte të bënte fare me projektin aktual të Unazës së Re, meqë nga mbikalimi tek Pallati me Shigjeta deri tek Sheshi Shqiponja duhet në rastin më të mirë të paktën dy vjet.
Por Edi Rama po nxiton, pas shkatërrimit politiko-ekonomik dhe të sigurisë që i ka bërë shteti shqiptar, i ka mbetur edhe ngjyra e kuqe e flamurit kombëtar.
Pse jo, nëse nuk e lidhin e bënë edhe mavi, për ta përmbyllur këtë cikël shkatërrimi, e komenti dihet:
“Nejse, lëre flamurin. Iku!”
