Përdhunimet/ Sot protestë para Policisë së Kosovës

Iniciativa e Të Rinjve për të Drejtat e Njeriut në Kosovë, YIHR KS, sot në orën 12:00 do të protestojë para Policisë së Kosovës, stacioni qendror në Prishtinë.

Kjo protestë, organizohet pas rasteve të fundit të raportuara në media, për përdhunime ndaj grave e vajzave.

I fundit, rasti shokues erdhi nga Drenasi, ku polici ka përdhunuar një vajzë 16 vjeçare.

“Policia e Kosovës ka për detyrë të na mbrojë, e jo të qëndrojë pas krimeve të tilla. Ftojmë të gjithë të mblidhemi para policisë në ora 12:00. Së bashku të qendrojmë kundër këtyre padrejtësive e të sigurohemi që raste të tilla mos të përsëriten. Viktimat duhen të mbrohen, përdhunuesit të dënohen!,” thekson YIHR KS duke ftuar të gjithë qytetarët të mblidhen para Stacionit Policor në Prishtinë për të protestuar kundër dhunës së legjitimuar mbrenda Policisë së Kosovës ndaj grave e vajzave.