Përdhunohet dhe vritet në mënyrë makabre gazetarja

Gazetarja bullgare e një televizioni lokal është vrarë në Ruse, ka bërë të ditur prokuroria. Federata Ndërkombëtare e gazetarëve e tmerreruar dhe shokuar  me këtë vrasje makabre thekson se Victoria Marinova është gazetarja e katërt e vrarë në BE nga viti 2017, ku janë vrarë, Kim Wall në Danimarkë, Daphne Caruana Galizia në Maltë dhe Jan Kuciak në Sllovaki

Vrasje makabër

Marinova është përdhunuar, rrahur e më pas mbytur . Madje është rrahur aq shumë sa fytyra ishte e paidentifikueshme.

Trupi i pajetë i gruas 30 vjeçare, është gjetur dje në parkun e qytetit në Ruse, tha prokurori Georgi Georgiev.

“Janë zhdukur celulari i saj, çelësat e makinës, syzet dhe rrobat e trupit,” tha prokurori duke shtuar se po shqyrtohen të gjitha gjurmët që lidhen me jetën e saj personale dhe profesionale.  Georgiev tha se për momentin nuk ka indicie se në krim janë përfshirë disa persona.

Mediat lokale gjithashtu raportojnë se është përdhunuar para vrasjes ndërsa burime nga policia theksojnë se krimi nuk është i lidhur drejtëpërsëdrejti me profesionin e viktimës.

Në emision me dy gazetarët e arrestuar

Autoritetet kanë bërë publike vetëm inicialet e viktimës dhe profesionin. Ndërkohë mediat lokale theksojnë se bëhet fjalë për Victoria Marinova, moderatore, reportere dhe producente e emisionit informativ Detector në televizionin lokal TVN.

Ndërsa gazeta e BE, “Politico” thekson se Marinova raportonte për investigimin i cili fliste për korrupsionin rreth fondeve të BE.

Në emisionin e fundit “Detector” Marinova kishte të ftuar Dimitar Stoyanovin nga Bullgaria dhe Attila Biron nga Rumania të cilët po hetonin zhdukjen e dokumenteve afër Sofjes, të cilët do të zbulonin abuzimin me fondet e BE nga ana e një kompanie private.

Këta dy gazetarë janë arrestuar ndërsa po investigonin rastin në fjalë.