Përdhunuesi Rexhep Rraja në burg, viktima Xhisiela mbron dhunuesin dhe kërcënon mediat…

Pasi përdhunuesi Rexhep Rraja u la sërish në burg, jashtë  Gjykatës, viktima Xhisiela Maloku, e cila kishte denoncuar dhunën që e çoi pas hekurave, bëri avokatinë e Rexhepit.

25-­vjeçarja tha se ishte aty për ta mbështetur ish ­të dashurin, pasi tani, sipas saj, ishte i pafajshëm:

Pse jeni sot këtu?

Për ta mbështetur dhe për të dhënë të vërtetën, siç e kam thënë dhe herë të tjera.

Po të vërtetën e jep drejtësia?

Patjetër që e vendos drejtësia, por unë po them atë që unë dua të them, jam shumë e bindur që nuk do kemi probleme, problemet kanë ardhur vetëm nga xhelozia. Dhe nuk do kemi probleme.

Po kush të siguron që nuk do kesh prapë motive xhelozie?

Ma garanton vetja ime, unë Xhisiela, do i jap përgjigje shtetit dhe jo mediave, tha Xhisiela duke kërcënuar:

Mediat tani e tutje të më rrinë larg se janë marrë me detajet e mia. Të më rrinë larg se ndryshe do ti çoj në prokurori!

Ndryshe, në Gjykatën e Apelit në Tiranë, gjyqtarja Shpresa Becaj la në burg me akuzën e përndjekjes, djalin e deputetit socialist Rrahman Rraja, ashtu sikur se kishte vendosur më parë GJykata e Krujës.