Perëndimi rrit sanksionet, Putin bënë propagandë me forca bërthamore

Pasi SHBA dhe aleatët perëndimorë ranë dakord të vendosin sanksione ndaj bankës qendrore ruse dhe të heqin disa nga huadhënësit e vendit nga sistemi Swift dhe kancelari Olaf Scholz hoqi dorë nga politika e gjatë e kujdesshme dhe njoftoi një rritje të madhe të shpenzimeve ushtarake në përgjigje të epokës së re të shënuar nga pushtimi i Rusisë ndaj Ukrainës, Vladimir Putin lëshoi ​​një urdhër për të vendosur forcat e parandalimit strategjik të Rusisë – duke përfshirë njësitë përgjegjëse për aftësitë e saj bërthamore, në gatishmëri të lartë në përgjigje të atyre që ai i quajti “sanksione të paligjshme perëndimore”.

Në një takim në Kremlin, presidenti rus i tha Sergei Shoigu, ministrit të mbrojtjes dhe shefit të shtabit të përgjithshëm Valery Gerasimov se “vendet perëndimore jo vetëm që po ndërmarrin veprime ekonomike jomiqësore kundër vendit tonë por udhëheqësit e vendeve të mëdha të NATO-s po bëjnë deklarata agresive për vendin tonë”.

Por kjo nuk e ndali Perëndimin në vendosjen e sanksioneve kundër Putinit i cili vazhdon me kërcënime jo vetëm ndaj Ukrainës fqinje!

Bashkimi Evropian ka njoftuar se synon të fillojë dërgimin e armëve në Ukrainë, hera e parë në historinë e tij që ndërmerr një hap të tillë. Po ashtu do të mbyllë hapësirën ajrore të BE-së për avionët rusë, do të kërkojë të ndalojë mediat shtetërore ruse në bllok dhe do të synojë aleaten ruse Bjellorusinë me sanksione, tha presidentja e Komisionit Evropian, Ursula von der Leyen.

“Ky është një moment vendimtar për Bashkimin tonë,” tha ajo në një konferencë shtypi në Bruksel.

Dhe jo vetëm kaq! Bashkimi Evropian ka ndaluar edhe mediat ruse të lajmeve Russia Today dhe Sputnik. Duke folur në një konferencë të përbashkët shtypi në Bruksel, Përfaqësuesi i Lartë i BE-së për Punët e Jashtme dhe Politikën e Sigurisë, Josep Borrell, njoftoi sot se blloku do të ndalonte të dy mediat në një përpjekje për të luftuar dezinformimin rus.