Përfaqësuese e re e BE-së për përshpejtimin e dialogut Kosovë-Serbi

Drejtorja e Departamentit për Ballkanin Perëndimor dhe Turqinë në Shërbimin e Punëve të Jashtme të BE-së, Angelina Eichhorst, është caktuar personi për “Shuttle Diplomacy”, përkatësisht përshpejtimin e dialogut Kosovë -Serbi.

Për ministrin e Jashtëm të Serbisë, Ivica Daçiç ky nuk është ndonjë sekret dhe Angelina Eichhorst nuk është person i panjohur.

“Ajo është e përfshirë në këtë shërbim të Federica Mogherini dhe Komisionit Europian dhe ajo merr pjesë në ato bisedime. Ajo është aty bashkë me Mogherinin”, ka sqaruar Daçiç për të përditshmen serbe  “Vecernje novosti”, sipas të cilit, dialogu Kosovë-Serbi  u rrezikua pas arrestimit të Marko Gjuriçit, dhe pas takimit të së dielës të presidentëve Thaçi e Vuçiç, puna kryesore ishte hartimi i komunikatës, me të cilën do të theksohej pajtimi për vazhdimin e dialogut dhe se ekziston mundësia që çështja të zgjidhet me kompromis.

Ndryshe, dialogu midis dy vendeve, që filloi me ndërmjetësimin e Catherine Ashton dhe vazhdoi me Federica Mogherinin.