Përfundon Samiti Kosovë-Serbi, Vuçiç: Nuk pranojmë ultimatume!

Samiti i organizuar nga Franca dhe Gjermania me udhëheqësit e Kosovës dhe Serbisë, i njohur si Samiti i Parisit ndonëse u zhvillua virtualisht sot, ku përfaqësuesi i Kosovës në këtë Samit, Avdullah Hoti, tha se dialogu nuk ka alternativë, por shtoi se ky proces duhet të ketë afate të qarta kohore ndërsa Presidenti i Serbisë, Aleksandar Vuçiç kërkesat e Kosovës i konsideroi ultimatume të cilat nuk do ti pranoi.

“Ne jemi të gatshëm dhe të përkushtuar që të angazhohemi në dialogun Kosovë-Serbi, në mënyrë të barabartë. Por, ne fuqishëm besojmë se procesi i dialogut duhet të ketë një afat të qartë kohor dhe një kornizë të vlerave dhe parimeve themelore që duhen respektuar, në përputhje me perspektivën evropiane të të dyja vendeve,” tha Avdullah Hoti.

Ndërsa Presidenti i Serbisë, Aleksandar Vuçiç, duke folur në fund të Samitit para gazetarëve tha për Televizioni publik serb, RTS, se pala shqiptare doli me “një listë të dëshirave të bukura, por Serbia nuk pranon ultimatume, dhe i pyetur nga gazetarët se cilat janë ato sqaroi:

“Këto janë, integriteti territorial i Kosovës, rujatja e Kushtetutës dhe rendit kushtetues të Kosovës, pranimi i ndërsjelltë, dhe jo modeli i dy Gjermanive, anëtarësimi në OKB dhe që shtetet tjera të BE ta pranojnë Kosovën. Dhe, më pas mendojnë ata të merren me çështjen e të zhdukurëve dhe dëmeve të luftës,” tha Vuçiç duke i quajtur të pakumtimta bisedimet nëse këto kërkesa janë normale duke harruar se ai është Presidenti i një shtetit agresor dhe viktimë ishte vetëm Kosova dhe askush tjetër.

Por, Vuçiç është serb sikur Milosheviçi dhe kriminel padyshim më i madh se ai, gjithsesi ai vazhdoi:

“Jemi të gatshëm të bisedojmë për të gjitha hapat për të përmirësuar marrëdhëniet e dy popujve, lëvizjen e lirë të njerëve dhe mallërave, kapitalit, por nuk pranojmë ultimatume. Kjo nuk është e mundshme,” tha Vuçiç duke kërkuar bisedime për diçka që vetëm ai i ka bllokuar dhe askush tjetër ndërsa për liderët Merkel dhe Macron shtoi se ishin korrekt.

Në fund, Presidenti i Serbisë, Aleksandar Vuçiç, bëri të ditur se takimi i 12 korrikut, ndërmjet Kosovës dhe Serbisë, me ndërmjetësimin e BE-së, do të zhvillohet përmes një video-konference, kurse vazhdimi i dialogut Kosovë-Serbi në Bruksel pritet të zhvillohet më 16 korrik.