Përfundon takimi Ruçi-Meta, Rama paralajmëron lëvizje të tjera

Takimi mes Presidentit Ilir Meta dhe kryetarit të Parlamentit Gramoz Ruçi ka përfunduar.

Zyra e shtypit pranë Presidencës bënë me dije se takimi u zhvillua  me kërkesën e Presidentit Meta ku dhe njohu Kryetarin e Parlamentit Gramoz Ruçi me konsultimet e zhvilluara prej tij për datën e zgjedhjeve të ardhshme lokale.

Gjithashtu, Presidenti Meta i bëri me dije Ruçit zhvillimin e procedurave transparente për të ftuar kandidatët, të cilët kanë paraqitur interesin për Kreun e Kontrollit të Lartë të Shtetit, me qëllim përzgjedhjen e një kandidati të përshtatshëm dhe me integritet për këtë pozicion të rëndësishëm.

Ndryshe, pas mosdekretimit të Sandër Lleshit si ministër i Brendshëm, takimi me Gramoz Ruçin është takimi i dytë në Presidencë i Ilir Metës pas atij me kryeministrin Edi Rama.

Ndërkohë kryeministri Edi Rama  ka paralajmëruar se nesër do të bëj bëjë publike në parlament lëvizjen e radhës nga ana e mazhorancës, gjatë fjalë së tij në orën 10:00.