Përgënjeshtron kryeministrin, Basha: Marrëzi dhe gënjeshtra, Edi Ramën e ka mbërthyer paniku!

Marrëzi dhe gënjeshtra. Kështu e vlerësoi kryetari i Partisë Demokratike, Lulzim Basha deklaratën e Edi Ramës se ai ka kërkuar pushtetin në tavolinë.

“Marrëzi dhe gënjeshtra për të mbuluar panikun që e ka mbërthyer nga ajo që e di çdo shqiptar që Edi Rama mbahet në pushtet vetëm nëpërmjet bashkëqeverisjes së tij më krimin dhe se përmes presionit të qytetarëve, të opozitës dhe faktorit ndëkrombëtar themelet e këtij pushteti, e kësaj bashkëqeverisje me krimin po tronditen,” sqaroi Basha duke shtuar se kurrë nuk ka kërkuar dhe kurrë nuk do të kërkoj pushtet në tavolinë, as pushtet me dhunë.

Ndryshe, sot në mbledhjen e Grupit Parlamentar të PS, Edi Rama tha se gati gjithë veren ka punuar Bledi Çuçi dhe grupi i tij  për ti ofruar dhe votimin elektronik, që ë bëjnë votime elektronike në dy tre zona pilot në zgjedhje vendore, por sipas tij opozita nuk do.

“Por çfarë duan? Jua them unë se ma ka thënë Luli: Pushtetin me marrëveshje në tavolinë. Njëherë ti, një herë unë. Por është e vetmja gjë që unë Lulit nuk ia jap dot…Mund ti jap dhe gjysmën e zemrës por këtë nuk ia jap dot. Nuk ia japin qytetarët. Ne na marrin me gurë por Lulzimit pushtetin nuk ia japin kurre. Prandaj Lulzim dhe Monika, opozita sot janë i mbyturi që bërtet sa hap sytë e deri sa i mbyll.

Në fund, qytetarët nuk e din se çfarë i ka thënë Luli, Edi Ramës, dhe çfarë ka bërë Bledi Çuçi gjatë verës, por e dijnë se çfarë i tha Rexhep Rraja kryetarit të Partisë Demokratike, Lulzim Basha para se të futej në gjykatë për masën e arrestit, dhe për ta nuk ishte e panjohur edhe pa raportet e OSBE-ODIHR-it.

Zgjedhjet e vitit 2017 nuk ishin të lira dh etë ndershme sepse ato u menaxhuan nga “rexhepët”!