“Përgjigja ime”/ Edi Rama kthehet nga Italia dhe shpallë fitoren e zgjedhjeve të Qershorit
Pavarësisht se foli sikur i ka ikur nga salla e operacionit, profesor Mentor Petrelës, kryeministri Edi Rama ishte më i sinqertë se kurrë. Mori Drejtësinë nën kontroll, bëri nul Gjykatën Kushtetuese, arriti ta rikthej politikën kriminale në Shërbimin Informativ, dëboi Opozitën nga Parlamenti dhe përmes fjalimit me Pasqyren, “Përgjigja ime” e Edi Ramës tregon se dy partitë më të mëdha opozitare PD dhe LSI, i tremben humbjes së zgjedhjeve të qershorit. Pra humbjes, kaq e ka të qartë Edi Rama, se rilindja e tij e ka fitoren e sigurt ndërkohë që i pashërueshëm na ngelka baltosja opozitare që po dëmton imazhin e vendit.
“Shumica nuk e do baltosjen dhe ziftosjen e Shqipërisë në gjuhë të huaj. Përkundrazi e vuajnë sinqerisht dhe e dënojnë moralisht një qasje të tillë prej humbësit pa pikë dinjiteti, që janë gati t’i lënë Shqipërisë faturën e dëshpërimit të tyre për pushtetin e humbur,” tha Edi Rama në vitin e 6 të qeverisjes pa e kuptuar se Shqipëria është e ziftosur nga vetë ai, sot kur ajo konsiderohet si furnitori më i madh i drogës në Evropë, qeverisë vendin me bankat më kriminale në glob, ka detyruar të largohen 500 mijë njerëz nga ky vend dhe Italisë së përmbytur me drogë shqiptare i shetë propagandë përmes “kazanëve italianë” .
Dhe, pasi pyeti pasqyrën e Fugës se kush është më i bukuri në botë, përmes njërit prej kazanëve të tij shqiptar, ERTV, rrëfen se si na e paska nënshkruar me
Bashën marrëveshjen parazgjedhore të 2017-ës, i kishte dhënë gjithçka që kërkoi, dhe ky i kishte kërkuar vetëm dy gjëra:
“Rezultati nuk kontestohet, dhe se Shqipëria nuk shahet në gjuhë të huaj!”
Ka gjashtë muaj që flet përralla për këtë Marrëveshje dhe sot akuzon Lulzim Basha, i cili pas një sezoni veror harroi këto dy pika, dhe filloi avazin e vjetër, për të arritur kulmin së fundmi:
“Kontestohet një fitore e thellë dhe e pastër e PS, sepse një tjetër humbje e thellë dhe e pastër po afron për PD dhe si motrën e saj LSI, e cila është prurësja dhe mishëruesja e fenomenit të shitblerjes së votës. Po të mos kishte LSI, nuk dot kishte as shitblerje vote në Shqipër i, dhe këtë e dinë të gjithë,” u shpreh Edi Rama duke harruar se pikërisht me LSI-n arritën ta rrëzojnë Sali Berishën nga pushteti, por edhe me këtë rast i sinqertë tregon se as kjo fitore nuk ishte e merituar.
Njeriu që nga viti 2009 ka djegë gjithccka që i dilte para në protestat komuniste që organizonte rilindja, sot thotë se djegia e një gome para surratit të policëve të Ish-Gjeneralit dëmton imazhin e Shqipërisë, e cila sipas tij përkthehet në dekurajim të turizmit dhe ulje të ekonomisë.
“Prodhimi i brendshëm i lajmeve të këqija për eksport, nga lajmet e paguara deri te intervistat e paguara dhe të shfazuara si ajo e Lulzim Bashës, veçse e karikaturizojnë imazhin e Shqipërisë, e bëjnë qesharak figurën e politikanit në sytë e botës, dhe godasin shtëpinë tonë. Godasin një burim të pazëvendësueshëm të ekonomisë tonë, vizitorin e huaj, sipërmarrësin e huaj dhe jo vetëm kaq, ky lloj eksporti i baltës dhe ziftit shqiptarë përmes kanaleve të huaja godet edhe shqiptarët që jetojnë e punojnë nëpër botë, u ulë kokën në sytë e të tjerëve, dhe u komplikojnë jetën, pasi zgjon te të tjerët frikën dhe paragjykimet e së shkuarës, ku Shqiptarët shiheshin padrejtësisht si djalli vetë. Dhuna godet imazhin e Shqipërisë, ekonominë dhe dekurajon turizmin, ul konsumin dhe dobëson familjet që jetojnë me punë,” i tha Edi Rama, Pasqyrës së Endri Fugës!
Nuk e pyeti fare Pasqyren se kush është ai që gënjen, sepse e ka të qartë, dhe këtë e bëri edhe me ndërprerjen e shërbimeve nga ana e disa prej bashkive në vend, të cilat sipas tij i janë bashkuar protestës së opozitës, duke mbyllur shërbimet për qytetarët.
Duke i keqtrajtuar të gjitha bashkitë që drejtohen nga partitë opozitare, pa i dhënë fonde zhvillimi e madje as mjete për administrimin e tyre ai sot i akuzon:
“Taksat e qytetarëve të Shkodrës, Lezhës, Kavajës, Rrogozhinës, Kukësit, Mallkastërs, burelit, Cërrikut, Çorovodës e me radhë, janë bërë kryesisht rroga, dhe tani me ato rroga paguhen turistët e opozitarizmit të rrugës, jashtë sistemit,” thekson Edi Rama me politikë shumë më diskriminuese se modeli i tij kriminal, Enver Hoxha . Fatmirësisht “Përgjigja ime” kishte dhe fundin e saj edhe pse me përjashtim të Endri Fugës dhe vetë Edi Ramës askush nuk e shijoi këtë fund. Qytetarët nuk e luftojnë dot krimin për ti rikthyer vlerën votës së tyre, por falë shpikësit të pultit të TV, të paktën e “shkarkojnë” nga ekrani ityre njeriun që po gënjen plotë 6 vjet!
