Përgjigje Alibeajt, Taulant Balla: Kam takuar dy grupe të tjera të opozitës, jo vetëm që kemi…

Pas deklarimit të deputetit Enkelejd Alibeaj lidhur me qëndrimin e grupit të deputetëve të Lulzim Bashës, ka reaguar kryetari i Grupit Parlamentar të Partisë Socialiste, Taulant Balla, duke përsëritur se PS nuk do të propozojë emra deri në datën 29 në orën 16:00 të së dielës ndërsa për legjitimitetin e kontestuar nga Alibeaj të 71 deputetëve socialist, Balla i bëri të qartë se janë 74 vota.

“Ne nuk do të propozojmë emër deri të dielën, me shpresën që grupi i opozitës do ta ushtrojë këtë të drejtë. Historia e propozimeve në ajër nuk ka pasur dhe nuk ka efekt. Nuk kemi marrë propozim shkresor dhe nuk kemi pasur mundësi të shprehemi. Palët po marrin pjesë në proces për shkak të përgjegjësisë,” tha Taulant Balla ndërsa sqaroi dhe dyshimin e shprehur nga Alibeaj nëse PS ka 71 vota.

“Ne shqiptarët na besuan 78 mandate në zgjedhjet e 25 prillit, por këto nuk u arritën të konfiguroheshin në mandate për shkak të problematikave. PS jo vetëm që ka legjitimitetit dhe numrat por do të punojmë brenda Kuvendit që të arrijmë të sigurojmë më shumë se votat që kemi të dhëna nga shqiptarët, në kuptimin që 74 ka grupi parlamentar i PS, pastaj me radhë edhe grupet e tjera. Kam komunikuar me dy grupet e tjera të opozitës me të cilët do të vijojmë në ditët në vijim që ky dialog konstruktiv të vazhdojë. Në ditët në vijmë do të vijojmë në mënyrë që ky dialog konstruktiv brenda Kuvendit të vijojë. Kësaj historisë që tjerr Alibeaj se PS nuk e ka legjitimiteti e ka shumë gabim dhe ne i kemi numrat, pra të mos shkojë dëm gjithë kjo përpjekje, por ju do të jeni dëshmitarë,” tha kryetari i Grupit Parlamentar të Partisë Socialiste, Taulant Balla, nuk e fshehi ekzaltimin pasi kishte dëgjuar nga Alibeaj se tashmë është gati ngritja e Komisioneve për Reformën Zgjedhore dhe për Reformën Territoriale çështje të cilat po ky Taulant i rrënoi me shefin e tij Edi Rama.

“Në mes të shkurtit ne kemi miratuar në Kuvend ngritjen e Komisionit. Kemi pritur prej kohësh që opozita të sjellë emrat. Ditën e hënë do të sjellin ku do të depozitojnë emrat, dhe në seancën e parë do të miratojmë emrat dhe shumë shpejt do të nisim. Ne kemi dhënë miratimin tonë për Komisionet dhe përshëndes faktin e ngritjes së komisioneve nga opozita.”