Përgjigje asqerëve të Kunatit, Komisioni: Ka ikur koha kur në PD as nuk votohej as nuk numërohej!
Një ditë pas zgjedhjes së Kryetarit të Këshillit Kombëtar të PD, kur rrjetet sociale u mbushën nga asqerët e Kunatit me një video u Komisioni i Zgjedhjes po diskutonte se sa anëtarë ishin prezent, Komisioni i Organizimit dhe Kontrollit të Operacioneve Elektorale në një dalje publike ka sqaruar se bëhej fjalë për fletët totale të votimit që janë vënë në dispozicion të dy tavolinave të votimit, kur rezultati dihej: 79 me 132!
“Ka ikur koha në PD kur as nuk votohej dhe as nuk numërohej! 79 dhe 132 e kishit përpara se të shpallej zyrtarisht. Një proces i tillë i qëllimshëm dhe dashakeqës, i dalë jashtë kontekstit. Nuk është e rëndësishme, por do e shpjegoj në respekt të publikut shqiptar që na ka ndjekur.
Diskutimi për të cilin bëhet fjalë, është e shkëputur, është rreth fletëve totale të votimit që janë vënë në dispozicion të dy tavolinave të votimit, është një numër total i parëndësishëm, madje s’ka as rubrikë për numrin total të fletëve, është i parëndësishëm, nuk ishin informuar as komisionerët për numrin total të fletëve. Diskutimi po bëhej për këtyre. Ky nuk ë bën dot pis këtë proces, askush nuk e cenon integritetin e këtij procesi demokratik. Partia Demokratike është e vendosur për transparencë, pavarësisht pengesave të ndryshme që mund të hasen,” tha Albana Vokshi duke shtuar se vullneti ynë transparent për ta bërë procesin publik para kamerave është treguesi më i mirë.
Ndërkohë që u sqarua procesi i zgjedhjes së Edi Palokës si Kryetari i Këshillit Kombëtar me 132 vota përballë Eleina Qiricit e cila mori 79 vota, Komisioni i Organizimit dhe Kontrollit të Operacioneve Elektorale në PD ka publikuar sot ndryshimet e bëra në Rregulloren për garën për zgjedhjen e Kryetarit të ri të Partisë Demokratike.
– Procesi zgjedhor për Kryetar të PDSH garanton parimin e konkurrimit të lirë dhe shanseve të barabarta midis kandidatëve si dhe kontrollin e tyre mbi mënyrën e realizimit të tij.
– Zgjedhjet bëhen me votim të lirë, të fshehtë, të barabartë dhe të drejtpërdrejtë, sipas modaliteteve të parashikuara në këtë udhëzim. Anëtarët e partisë me të drejtë vote e ushtrojnë lirisht të drejtën e votes.
– Kandidatët ftohen të paraqesin programin e tyre përpara strukturës së partisë dhe anëtarëve të partisë. Drejtuesit e strukturave të Partisë, në qendër dhe në bazë, i mundësojnë çdo kandidati akses të barabartë në garë. Drejtuesit e strukturave të Partisë, në qendër dhe në bazë, qëndrojnë asnjanës në procesin zgjedhor.
– Çdo kandidat ka të drejtën të caktojë pranë KOKOE, brenda datës 10 maj 2022, një vëzhgues të tij të përhershëm. Vëzhguesi ka akses të plotë në të gjithë veprimtarinë e Komisionit. Ai njoftohet dhe merr pjesë në çdo mbledhjen të Komisionit dhe merr fjalën sa herë e kërkon për të parashtruar kërkesa, propozime apo ankesa.
Në Komisionet e Votimit dhe të Numërimit në degë, çdo kandidat ka të drejtën të caktojë një përfaqësues në Komision.
– KOKOE ka përgjegjësinë të japë akses të plote dhe të menjëhershëm çdo kandidati në listën zgjedhore. Ky akses fitohet menjëherë pas regjistrimit të çdo kandidati nga KOKOE.
– Zyra e Shtypit e Partisë Demokratike merr masat për pasqyrimin e barabartë të fushatës zgjedhore të secilit kandidat duke shpërndarë zyrtarisht çdo njoftim të kandidatit apo çdo përmbledhje të takimeve të tij.
– Secili kandidat ka të drejtë të përdorë mjediset e selisë qendrore të Partisë Demokratike apo selitë e Degëve të partisë në rrethe për aktivitete të tij gjatë fushatës zgjedhore apo për komunikimin me mediat. Kryesitë e degëve marrin masa për plotësimin e kësaj pike.
Ndryshe, autorët e videos që bënë pis procesin e zgjedhjes së Kryetarit të Këshillit Kombëtar të PD janë po ata që e bënë pis vizitën e Presidentit të SHBA, George W. Bush në Tiranë me “vjedhjen e orës nga dora”. Dallimi i vetëm është se video e fundit u shpërnda nga mbështetësit e atij që priti Presidentin Bush në tokën shqiptare ndonëse qëllimi ngelet i njejtë: Denigrimi i Sali Berishës!
