Përgjigje Bashës, Berisha: Kuvendi i PD do mblidhet, askush nuk mund ta pengojë!

Pas deklaratës së prerë të Kryetarit të Partisë Demokratike, Lulzim Basha, se nuk do të ketë Kuvendit që do të shqyrtoj vendimet e qeverisë amerikane, ka reaguar menjëherë lideri historik i PD, Sali Berisha, duke qenë poashtu i prerë se Kuvendi i PD do të mblidhet dhe askush nuk mund ta pengojë.

“Kuvendi i PD do mblidhet në përputhje me statutin e PD dhe askush që tmerrohet prej tij nuk mund ta pengojë. Ai nuk nuk do të mblidhet për të shqyrtuar vendimet e asnjë qeverie por vetëm vendimet e pengut të Edi Ramës. Kuvendi do mblidhet gjithashtu për të shpëtuar PD nga pazaret e peng Bashës me Edi Ramën dhe për t’u rikthyer dinjitetin dhe shpresën demokratëve pas 4 humbjesh radhazi përballë regjimit më të korruptuar dhe inkriminuar të Europës.” thekson lideri historik i PD, Sali Berisha, në reagimin e tij përmes rrjetit social Facebook duke konstatuar se për 8 vjet Edi Rama vazhdon të qëndrojë në pushtet sepse është në pazar me dikë që është shumë i kënaqur të qëndrojë edhe 80 vjet në opozitë ndërsa përfundon:

“PD nuk i duhet një lider i kapur peng që bën pazar me Ramën dhe shpall non grata bazën e partisë i tmerruar prej saj.”