Përgjigje budallenjëve të Bashës, Pompeo: Sot në Shqipëri për të folur me komunitetin iranian!
Udhëtova sot në Shqipëri për të folur me komunitetin iranian atje! Kështu i dha fund propagandës komuniste, Ish-Sekretari i Shtetit, Mike Pompeo, i cili nuk u kursye as nga “antikomunistët” e Lulzim Bashës për të folur mbi refuzimin e tij që i bëri për të takuar Ish-Presidentin Sali Berisha!
Pas një fotoje që bëri me pasardhësit e Lulzim Bashës të angazhuar në shkatërrimin e Partisë Demokratike, këta të fundit e shpërndanë përmes hyzmeqarëve të Kunatit dhe lajmi mori dhenë me sqarimet se Ish-Sekretari i Shtetit nuk takon Berishën por Alibeajn!
Në këtë situatë, kur gjithçka po i zhvlerësohej, kryetari i Grupit Parlamentar të PS, Taulant Balla, nxiton për të reaguar dhe përmes fotove të shpërndara ku shihej se e kishte kapur për dore të emëruarin e Gazment Bardhit, Enkelejd Alibeaj, mundohet ta bëjë të qartë se kush ishte zot shtëpie në gjithë këtë organizim i cili u finalizua në Konferencën e 100 vjetorit të vendosjes së marrëdhënieve SHBA-Shqipëri, ku dhe lindi “fotoja madhore”!
Në pikën e luftës së paskrupullt nga asqerët e Lulzim Bashës për të denigruar Sali Berishën, pa kursyer edhe Ish-Sekretarin e Shtetit, reagojnë në mbrëmje krerët e kompanisë Overgas të sqarojnë se arsyeaja e vizitës së Mike Pompeut në Tiranë ishte firmosja e Memorandumit me Albagas për furnizimin me gaz përmes Terminalit të në Vlorë.
Por, kur kjo vizitë u bë çështje pazari, sa kishte marrë Ish-Sekretari i Shtetit dhe pse nuk kishte takuar Sali Berishën, në orët e vona reagoi edhe vetë Mike Pompeo përmes rrjetit social Twitter duke sqaruar arsyen e vërtetë vizitës së tij në Shqipëri.
“Udhëtova sot në Shqipëri për të folur me komunitetin iranian atje,” thekson Ish-Sekretari i Shtetit, Mike Pompeo, përmes rrjetit social Twitter duke përfunduar:
“Ata kanë të drejtë t’i rezistojnë mullahëve dhe të punojnë për të ofruar atë për të cilën populli iranian po kërkon dhe po proteston: çlirimin e qytetarëve të Iranit nga zgjedha tiranike e regjimit.#FreeIran2022”
Ndryshe, Ish-Sekretarii Shtetit, Mike Pompeo, vizitoi selinë e Organizatës Muxhahedine të Popullit të Iranit, MEK, në Shqipëri “Ashraf 3”, ku u takua me Presidenten e zgjedhur të Këshillit Kombëtar të Rezistencës së Iranit, Maryam Rajavi.
