Përgjigje Edi Ramës/ Dialog kombëtar, Basha: Nuk do të ketë pakte kulisash!

Kryetari i Partisë Demokratike, Lulzim Basha, duke iu përgjigjur letrës së Kryeministrit Edi Rama përmes së cilës kërkon fillimin e një dialogu, i bënë të qartë se nuk do të ketë pakte kulisash, do të ketë një dialog kombëtar dhe në fund një vendimarrje me referendum nga populli.

“Nuk ka asnjë hap pas, misioni ynë është një mission kombëtar. Në historinë e shoqërive në përballje të tilla, vijnë momente si ky ku ndodhemi sot, ku një parti e madhe me një histori të madhe dhe një mission të madh kombëtar, si Partia Demokratike e Shqipërisë, duhet të vendosë nëse duhet të zgjedhë rrugën e rehatit, rrugën e pazarit, rrugën e kompromisit me të keqen për hir të pushtetit dhe karriges, apo rrugën e vështirë, të drejtë dhe hyjnore të betejës për njerëzit, për Shqipërinë, për të ardhmen e saj.”

Ne e kemi bërë zgjedhjen, tha Lulzim Basha, duke folur para qytetarëve të Durrësit, ne jemi në krah të njerëzve, ne jemi në krah të projektit tonë me të cilën lindëm, projektin për Shqipërinë si gjithë Europa.

“Ne kemi ndalur çdo kalkulim të vogël politik. Ne nuk luajmë me portat e vogla të krimit dhe të oligarkëve, siç luan i babëzitur nga mëngjesi deri në darkë Edi Rama. Nuk e njohim dhe nuk e pranojmë atë lojë. Ne nuk pranojmë teatër me interesat e shqiptarëve. Ne jemi ngritur mbi interesat tona të ngushta politike.”

Dhe jo vetëm kaq! Si mund të kutpohet “oferta” e Edi Ramës, sqaron lideri i opozitës kur rojet të zgjedhjeve që ai propozon janë njerëzit që kanë vjedhur zgjedhjet:

“Rama propozon si rojtarë të zgjedhjeve dy hajdutët e zgjedhjeve Taulant Balla e Damian Gjiknuri, të dy të kapur në përgjime duke vjedhur zgjedhjet Rama na propozon Taulant Ballën dhe Damian Gjiknurin si rojtarë të zgjedhjeve, dy njerëez që po të hetoheshin siç do të hetohen 339-a dhe 184-a, po kështu do të jenë para togave të zeza të drejtësisë, për të marrë dënimin e merituar.”

Dhe  gjithçka, sipas Bashës, ka ndryshuar pasi ka denoncuar aktin kriminal me urdhër të Edi Ramës, me presionin që ka ushtruar ndaj 4 anëtarëve të Komisionit Qendror të Zgjedhjeve:

“Keni rënë squkë ka 24 orë që kur kam denoncuar aktin kriminal ku me urdhër të Edi Ramës, Taulant Balla, Damian Gjiknuri, kanë ushtruar presion mbi 4 anëtarët e KQZ-së që në mënyrë të kundërligjshme të mos regjistrojnë përfaqësuesit e opozitës në KZAZ. Gjithçka është në tabulatet e dorëzuara parnterëve ndërkombëtarë. Nuk keni shans, nuk keni shpëtim.”

Basha: Edi Rama të gjithë popullin e ka kundër!

Edi Rama i ka kapur të gjitha pushtetet dhe në to ka ulur krimin, por ka kundër të gjithë popullin, tha Kryetari i Partisë Demokratike por sqaroi se largimi i Edi ramës është hapi i parë i panegociueshëm, hapi që do t’i hapë rrugë zgjidhjes politik të krizës por kjo betejë nuk do të mbarojë thjeshtë me largimin e Edi Ramës:

“Edi Rama i ka kapur të gjitha. Ka sot qeverinë, pseudo parlamentin, pseudopolicinë, pseudo drejtësinë, mediat kryesore. Ai ka kapur ekonominë me oligarkët. Një grusht njerëzish me në krye Edi Ramën I kanë kapur të gjitha. Atëherë, ku janë asetet tona? Ku është forca jonë? Ku janë mjetet tona? Po, ai I ka kapur të gjitha, por pikërisht sot e ka të gjithë popullin kundër.”

Përballja ka sot nga njëra anë pakicën më të tkurrur të horrave, zuzarëve, gangsterëve të politikanëve të korruptuar, pakicën e vesit dhe antivlerave para shumicës më të bashkuar dhe morale që Shqipëria ka pasur, tha ai duke garantuar  që kurrë më qeveria të mos jetë peng i kriminelëve, kjo betejë nuk do të përfundojë thjesht dhe vetëm me largimin e Edi Ramës.

“Largimi i Edi Ramës është hapi i parë i panegociueshëm, hapi që do t’i hapë rrugë zgjidhjes politik të krizës. Kjo betejë nuk do të mbarojë thjeshtë me largimin e Edi Ramës. Por, fjalën vendimtare për zgjidhjen njëherë e përgjithmonë të plagëve që shkaktojnë këtë krizë, do ta kenë përsëri shqiptarët.”

Me këtë rast, Kryetari i Partisë Demokratike, Lulzim Basha, renditi disa nga propozimet për të cilat angazhohet sot se nuk do të ketë pakte kulisash, do të ketë një dialog kombëtar dhe në fund një vendimarrje me referendum nga populli:

“Deputetë të zgjedhur drejtëpërdrejtë në 100 zona mazhoritare, apo sistem kombëtar me lista të hapura. Senat që e ngadalëson dhe e bën transparent procesin legjislativ. President me kompetenca të plota që kontrollon dhe balancon pushtetet, pse jo president të zgjedhur nga populli. Ndarje dhe balancim të pushteteve që garantojnë gjyqtarë dhe prokurorë të pavarur dhe që zbatojnë ligjin. Referendume popullore, lokale dhe kombëtare, që sovrani, populli të ketë gjithmonë mundësinë, levën, për të ju mbivendosur çdo politikani që humb arsyen dhe kërkon të mashtrojë votuesit. Referendum për gjithçka që kanë të bëjnë me shëndetin, sigurinë, jetën.“