Përgjigje Edi Ramës, Meta sërish i do 3 mln shqiptarë “të shkalluar” në zgjedhje!
Në përplasjen e radhës me akuza nga më banalet me Edi Ramën, Ilir Meta mendon se mund ti mashtroj shqiptarët edhe për herë të katërt. Ish-Partneri i tij i koalicionit dhe jo vetëm, Edi Rama e quajti të shkalluar, dhe Meta ndonëse Presidenti i një Republike me shumë halle, e nis ditën duke na treguar se kush i zhyti shqiptarët në borxhe ndërsa kërcënon Kryeministrin se nëse nuk reflekton, më 25 Prill 2021 do të përballet me tre milionë shqiptarë “të shkalluar”:
“Bën mirë të reflektojë dhe të respektojë 5 Qershorin se përndryshe në 25 Prill do të ketë jo vetëm një President “të shkalluar”, por edhe tre milionë shqiptarë “të shkalluar” që do shkallmojnë me votë dhe çdo mjet legjitim ëndrrat e tij për të blerë e trembur popullin shqiptar për një grusht oligarkësh e banditësh,” fletë Ilir Meta në emër të shqiptarëve edhe pse atë nuk e kanë zgjedhur ata por vetë Edi Rama ndërsa mendon se mund ti mashtroj për herë të katërt siç bëri në vitin 2001, 2009 dhe 2013!
Ndryshe, reagimin ekzaltues socialist mëngjesin e sotëm përmes rrjetit social Facebook, Ilir Meta e shoqëron me një video nga dita e zezë e kombit shqiptar kur ai u zgjodh President i Republikës dhe mbajti fjalën e rastit!
Reagimi
Meqenëse Kryepinoku Rilindas u justifikua për zgjedhjen e detyruar para tre vitesh të “Presidentit të shkalluar”, më duhet t’ju kujtoj të gjithë socialistëve se Ilir Meta ka mbajtur çdo premtim për mbrojtjen e Kushtetutës dhe interesit kombëtar.
Unë u kam bërë të qartë se midis Pushtetit dhe Demokracisë, kam zgjedhur gjithmonë Demokracinë se pushtet ka edhe në vendet jodemokratike, ku të drejtat e qytetarëve shtypen e dhunohen.
Tani ju e kuptoni se çdo njeri që nuk blihet e frikësohet prej tij është “i shkalluar”.
Bën mirë të reflektojë dhe të respektojë 5 Qershorin se përndryshe në 25 Prill do të ketë jo vetëm një President “të shkalluar”, por edhe tre milionë shqiptarë “të shkalluar” që do shkallmojnë me votë dhe çdo mjet legjitim ëndrrat e tij për të blerë e trembur popullin shqiptar për një grusht oligarkësh e banditësh.
