Përgjigje Edi Ramës, opozita nis rezistencën në sallën plenare
Ashtu siç paralajmëroi, duke i dhënë përgjigje Edi Ramës për përjashtimin de facto të opozitës nga parlamenti, sot opozita nisi rezistencën në Parlamentin e Shqipërisë duke bllokuar seancën plenare sapo filloi punimet.
Në pamundësi për të vazhduar punimet e seancën plenare dhe duke vazhduar të kundërshtoj bashkëpunimin me opozitën, përfaqësuesja e mazhorancës dhe drejtuesja e seancës, Nënkryetarja e Parlamentit, Ermonela Felaj Pas vendimit të dhënë nga nënkryetarja e Kuvendit, Ermonela Felaj, mbylli seancën ndërsa Kryetari i Partisë Demokratike, Sali Berisha, i shoqëruar me deputetët e opozitës iu drejtua qytetarëve nga foltorja e parlamentit përmes rrjeteve sociale.
“Deputetët e opozitës fillojnë sot qëndresën e tyre permanente sepse ky parlament është shndërruar në një institucion personal të Edi Ramës dhe Lindës së parlamentit, që e drejton këtë institucion në mënyrën më amorale, më të turpshme, më antikushtetuese, më antiligjore,” tha Sali Berisha, duke rikujtuar:
“Unë ju rikujtoj ju se ne deputetët, që përfaqësojmë qytetarët shqiptarë që kanë votuar kundër kësaj qeverie, kemi dorëzuar në parlament gjatë këtyre dy viteve, në përputhje me mandatet tona, 31 ligje dhe rezoluta, të cilat Edi Rama me Lindën e tij, i mban në sirtar dhe nuk lejon që ato të vijnë të shqyrtohen, të diskutohen në parlament.
Së dyti, në emër tuaj, në emër të qytetarëve opozitarë, deputetët e opozitës në mënyrë të vazhdueshme kërkojnë në komisione paraqitjen e ministrave dhe ata me urdhër të Edi Ramës, refuzojnë të paraqiten duke shkelur Kushtetutën dhe ligjet e vendit.
Së treti, pas komisionit hetimor parlamentar të djegësave, në të cilën Edi Rama, ministrat e tij dhe një pjesë e madhe e nomenklaturës së krimit, dilte e implikuar, deputetëve të opozitës i është hequr e drejta e krijimit të komisioneve parlamentare.
Në kundërshtim me Kushtetutën, në kundërshtim me vendimet e Gjykatës Kushtetuese, janë kthyer gjer sot 5 nisma, 5 kërkesa për krijimin e komisioneve hetimore parlamentare.
U refuzua kërkesa e komisionit hetimor parlamentar për McGonigal, një nga veprimtaritë më të shëmtuara, më kriminale, në të cilën Edi Rama, Dorian Duçka, Charles McGonigal dhe Agron Neza kanë vepruar si një grup i strukturuar kriminal.
Ata kanë abuzuar me pushtetin e tyre dhe janë vërsulur në manipulim dosjesh dhe shpifjesh për opozitën.
Ata kanë instaluar në Shqipëri sistemin e gjobëvënies ndaj biznesmenëve të vendit, ndërkohë që McGonigal ishte në detyrë, shef i kundërzbulimit të FBI në SHBA.
McGonigal ka pranuar për dosjen shqiptare, të gjitha akuzat e ngritura nga juria e madhe dhe prokuroria e SHBA. Por në secilën prej atyre akuzave, bashkëfajtor me McGonigal është Edi Rama, Dorian Duçka, Agron Neza,” tha Kryetari i Partisë Demokratike, Sali Berisha, duke vazhduar fjalën e tij në terr pasi dishepulli i Enver Hoxhës urdhëroi fikjen e dritave në sallën e Parlamentit të Shqipërisë.
