Pas Kryeministri Edi Rama publikoi nivelin e Borxhit Publik duke u mburrur ndërsa vazhdon me krahasimet “Ata dhe NE”, reagon Partia Demokratike përmes Drejtorit të Kabinetit Dorjan Teliti duke i bërë të qartë se ai nuk krahasohet dot me qeverisjen demokratike sepse Rama e rriti borxhin 29%:
“Më kot krahasoheni me ne. 2006-2013 borxhi publik u rrit me vetem 10% të PBB-së (përfshirë detyrimet e prapambetura), me të cilat u ndërtuan dhjetëra spitale, qindra shkolla, mijëra km akse rrugore, përfshirë këtu Rrugën e Kombit. 2006-2013 ulëm taksat dhe rritëm pagat e pensionet. Ndërsa 2014-2020, borxhi u rrit me 29% të PBB-së (përfshirë detyrime të prapambetura dhe PPP),” thekson Teliti duke shtuar se i vetmi investim i plotë që ka kryer rilindja është bypass Fier prej 22km.
Dhe jo vetëm kaq! Borxhin publik, thotë eksperti i ekonomisë Dorjan Teliti, e rriti Edi Rama dhe e përdori për koncesione klienteliste, tendera pa gare, lukse zyrash e udhëtime me charter ndërsa përfundoi:
“Jeni ju që rritet taksat me 2.1 miliardë euro në 7 vite dhe braktisët ekonominë edhe në kohë pandemie.”
![](https://i0.wp.com/www.pafrike.al/wp-content/uploads/2020/10/Dorjan-Teliti.jpg?resize=960%2C960&ssl=1)
Ja postimi i plotë:
Më kot krahasoheni me ne.
2006-2013 borxhi publik u rrit me vetem 10% të PBB-së (përfshirë detyrimet e prapambetura), me të cilat u ndërtuan dhjetëra spitale, qindra shkolla, mijëra km akse rrugore, përfshirë këtu rrugën e kombit. 2006-2013 ulëm taksat dhe rritëm pagat e pensionet.
Ndërsa 2014-2020, borxhi u rrit me 29% të PBB-së (përfshirë detyrime të prapambetura dhe PPP) dhe i vetmi investim i plotë që keni kryer është bypass Fier prej 22km.
Familjet shqiptare sot kanë një borxh 50% më të lartë sesa 7 vite më parë.
Borxhin publik e rritet ju dhe e përdorët për koncesione klienteliste, tendera pa gare, lukse zyrash e udhëtime me charter.
Jeni ju që rritet taksat me 2.1 miliardë euro në 7 vite dhe braktisët ekonominë edhe në kohë pandemie.