Përgjigje Ish-Gjeneral Lleshajt, PD: Mashtron i pandehuri i kapur në flagrancë!

Kallëzimin penal të Partisë Demokratike pas akuzave të qytetarëve për ndryshimin e gjendjes civile, ministri i Brendshëm Sandër Lleshaj e vlerëson si veprim qesharak me qëllim intimidimi ndërsa u zotua se lista e zgjedhësve nuk do të ndryshojë, por këtë reagim, PD sërish përmes Ish-Ministrit të Drejtësisë, Enkelejd Alibeaj, e konsideron si mashtrim të pandehurit të kapur në flagrancë.

“Si i pandehur i kapur në flagrancë, u përbetoka se lista e zgjedhësve nuk do të ndryshojë. Dhe po si të pandehurit që krimin e çojnë deri në fund, rrëfen se do të zhvendosë 300 mijë qytetarë nga vendbanimi i tyre,” thekson Enkelejd Alibeaj duke reaguar përmes rrjetit social Facebook ndërsa shton se injoranca nuk është alibi për t’i shpëtuar ndëshkimit ligjor!

Për cilin do zyrtar të shtetit, Ish-Ministri i Drejtësisë, Enkelejd Alibeaj, thekson se mësimi i parë është lexo ligjin, por për Lleshajn dhe të gjithë ata që duan të manipulojnë listat e zgjedhësve ai sugjeron:

“Të lexojnë Nenin 46 të Kodit Zgjedhor. Aty tregohet se si krijohen listat e zgjedhësve: krijohen nga REGJISTRI I GJENDJES CIVILE, ku elementi “vendbanim” është thelbësor!”

REAGIMI I PLOTË

I KAPUR NË FLAGRANCË

Sandër Lleshaj paska mashtruar sërish për skandalin e manipulimit të listave të gjendjes civile dhe listave të zgjedhëseve!

Si i pandehur i kapur në flagrancë, u përbetoka se lista e zgjedhësve nuk do të ndryshojë. Dhe po si të pandehurit që krimin e çojnë deri në fund, rrëfen se do të zhvendosë 300 mijë qytetare nga vendbanimi i tyre.

Injoranca nuk është alibi për t’i shpëtuar ndëshkimit ligjor !!

Mësimi i parë, për këdo zyrtar shteti është: lexo ligjin, lexo ligjin dhe lexo ligjin!

Për Lleshajn dhe të gjithë ata që duan të manipulojnë listat e zgjedhësve, të lexojnë nenin 46 të Kodit Zgjedhor. Aty tregohet se si krijohen listat e zgjedhësve: krijohen nga REGJISTRI I GJENDJES CIVILE, ku elementi “vendbanim” është thelbësor!