Përgjigje Metës, Rama: Unë nuk quhem Yuri Kim dhe…

Kryeministri Edi Rama u ngazëllye nga loja që vazhdoi Ilir Meta dhe në delir e sipër, duke bashkuar dy gënjeshtra, u shpreh si në Asamblenë e Partisë Socialiste duke folur për gënjeshtrën e partnerit të tij, pa të cilin sot nuk do të ishte as kryetar i partisë më kriminale në Evropë, PSSH.

“Që unë s’gënjej IM e ka shkruar vetë, se unë nuk quhem Yuri Kim dhe s’di që Ambasadorja e SHBA të mbulojë edhe shërbimin postar + po t’i kisha marrë ato pika do i kisha shkruar pse më duken si pika vaji e uthulle që duhen ndarë, se ndryshe thyhet ena e Kushtetutës dhe Integrimit,” tha në reagimin e tij përmes rrjetit social Twitter duke konfirmuar se nuk e kishte marrë Platformën, pikërisht ashtu siç u shpreh Meta, se i kishte dorëzuar më 8 Prill Ambasadores së SHBA.

Ndryshe, pas mohimit të Kryeministrit Edi Rama se kishte marrë Platformën prej 14 pikave të cilën Presidenti Ilir Meta sot e prezantoi, ky i fundit reagoi përmes rrjetit social Facebook duke theksuar:

“Që Platforma për Integrimin Europian (Non Paper) i është paraqitur Ambasadores së SHBA që më 8 prill 2020 është fakt. Që Rama gënjen nuk është më lajm as për të huajt.”