Përgjigje Opozitës/ Kryeministri i Papërgjegjshëm: Kur do e rrxoni pra iku viti?

Sot, i mbetur pa qeveri, me kabinet kalamajsh kryeministri i papërgjegjshëm i Republikës së Shqipërisë, Edi Rama nuk kujdeset për skandalet që çdo ditë i shpërthejnë si në Qeverinë qendrore ashtu edhe atë lokale, por vazhdon jetën e tij në rrjetet sociale. Ndërsen Erion Veliajn kundër kryetarit të PD, Lulzim Basha meqë atë të LSI, Monika Kryemadh e ka xhan, dhe kur Erioni pushon për pak çaste, ai i kushton kohë fotomontazheve me figurat e atyre që i denoncuan skandalet e kësaj qeverie, dhe të cilat, pa dallim, që të gjitha dolën të vërteta.  

Dhe meqë kryeprokurorja është nën urdhrin “hesht”, Edi Rama pyet liderët opozitar, dhe jo vetëm, se kur do e rrëzojnë qeverinë ndërsa e shoqëron me foto:

“Kur do e rrxoni pra se iku viti?”

Ndryshe, te Unaza e Re në protestën e banorëve të të prekur nga Unaza e Madhe , kryetari i Partisë Demokratike, Lulzim Basha, tha sot se  qytetarët e bashkuar e kanë forcën, e kanë legjitimitetin ta largojnë përfundimisht këtë bandë hajdutësh, më në krye kryehajdutin Edi Rama.

“Natyrisht që edhe kjo në vetvete nuk mjafton, Që të rrëzojmë këtë sistem ne duhet të pastrojmë njëherë e mirë politikën nga krimi,” tha Basha. Ndërsa kryetarja e LSI, Monika Kryemadhi gjatë takimit me strukturat e partisë në Vlorë tha se “qeveria e Surrelit ka rënë”.