Përgjigje Ramës, Opozita e Bashkuar: Nesër! Rendi Ditës bazuar në Marrëveshjen e 5 Qershorit!

Tallja me demokracinë që bënë Kryeministri Edi Rama përmes llumit opozitar merr përgjigje tallëse nga Opozita e Bashkuara që i ka ra për hise të merret me një mazhorancë kriminale, e cila kriminalitetin e saj e shfaq edhe në zgjedhje.

Pasi “arriti” Marrëveshje me llumin opozitar duke e bërë nul Marrëveshjen e 5 Qershorit, Kryeministri Edi Rama i bëri ftesë Opozitës së Bashkuar që të marrë pjesë sot në Këshillin Politik për të miratuar këtë Marrëveshje.

Opozita e Bashkuar e mirëpriti ftesën e Kryeministrit Edi Rama duke kërkuar që ajo të mbahet nesër ose pasnesër dhe rendi i ditës të bazohet në atë që është rënë dakord në Marrëveshjen e 5 Qershorit.

Përgjigja e Opozitës së Bashkuar

Përshendetje,

Në vijim të email-it më poshtë, propozojmë që mbledhja e Këshillit Politik, është e përshtatshme, të zhvillohet të enjten në orën 17:00, ose të premten ora 11:00, sipas kohës tuaj.

Në Rendin e Ditës së mbledhjes siç kemi rënë dakord në Marrëveshjen e 5 Qershorit, duhet të përfshihet vijimi i punës së Këshillit për zbatimin e pikave 11 dhe 12 të saj, ku specifikohet se: “11. Masat shtesë: Këshilli Politik do të vazhdojë të diskutojë në mirëbesim dhe të përpiqet të arrijë zgjidhje të përbashkëta ku dhe kur është e mundur të adresohen rekomandimet kryesore të ODIHR lidhur me:

(1) blerjen e votës;
(2) presionin ndaj votuesve dhe administratës publike;
(3) keqpërdorimin dhe abuzimin me administratën publike;
(4) marrëveshjet e fshehta me grupet kriminale;
(5) lirinë dhe sekretin e votës; dhe
(6) manipulimin dhe falsifikimin e rezultateve zgjedhore. Në rast të mosprogresit këto propozime NUK do të ndërhyjnë apo vonojnë një marrëveshje dhe kalimin në parlament të masave të dakordësuara në pikat 1-9.

12. Hyrja në fuqi: Pikat 1, 2, 3, 7, 9, 9, 10 dhe 11 më sipër dhe dy shënimet poshtë do të hyjnë në fuqi për zgjedhjet e ardhshme (parlamentare dhe vendore). Pikat 4, 5 dhe 6 më sipër do të hyjnë në fuqi pas zgjedhjeve të ardhshme zgjedhore dhe parlamentare.”.

Në lidhje me ndryshimin e formatit të përbërjes së Këshillit Politik, nëse ju keni vlerësuar si të përshtatshme zgjerimin e përfaqësuesve të partive politike në Grupin e Punës së Këshillit Politik, atëherë ju bëjmë me dije se Opozita e Bashkuar do të përfaqësohet përveç nesh, edhe nga Sekretari i Përgjithshëm i Partisë Demokratike z. Gazment Bardhi.

Mbetemi në pritje të konfirmimit tuaj!

Oerd Bylykbashi
Petrit Vasili