Përgjigje Ramës, PD: Sa herë dështon, shpall ndërtimet imagjinare të aeroporteve

Pas akuzave që Kryeministri Edi Rama i bëri nga Gjirokastra, Programit të Partisë Demokratike, ka reaguar PD përmes Ish-Deputetes Jorida Tabaku, e cila duke konstatuar se pas 8 vite dështimesh ai ka dalë nëpër Shqipëri duke sulmuar opozitën sepse është dhe plani i vetëm që ka, shton:

“Sa herë dështon Rama shpall ndërtimet imagjjnare të porteve dhe aeroporteve. Pas çdo dështimi ai nis të sulmojë planin e PD. Ndërkohë angazhimet tona janë konkrete dhe të realizueshme,” Jorida Tabaku e cila sqaron se si do të bëhet rritja e pagave dhe pensioneve njeriut që kurrë nuk mori mundimin ta lodhë kokën për një gjë të tillë.

“Ne do t’i ofrojmë 650.000 pensionistëve jo më lëmoshën Rama, por një pension dinjitoz dhe mbi të gjitha një rritje të pensioneve çdo vit minimalisht 5%. Do t’i rrisim pagat për arsimin me 60% dhe nga kjo politikë do të preken së paku 36 mijë arsimtarë. Do të rrisim pagat e 4500 mjekëve në 1200 euro ndërkohë që pagat e 14 mijë infermierëve do t’i çojmë në 700 euro.”

Në fund, Ish-Deputetja e PD, Jorida Tabaku, i bënë të qartë babës së abuzimeve se Partia Demokratike është angazhuar të marr vendime të vështira dhe do të zhbëjë abuzimet 8 vjeçare korruptive me kosto për buxhetin e shtetit.

“Janë milionat e eurove korruptive që gjenden në buxhet dhe keqpërdoren nga qeveria. Shqipëria Fiton kur shqiptarët jetojnë më mirë, kur buxheti i shtetit nuk vidhet. Edi Rama humbet kur praktikat korruptive që i kushtojnë shqiptarëve 7.2 mld euro do t’i rikthehet familjeve të shqiptarëve,” tha Ish-Deputetja e PD, Jorida Tabaku, duke përfunduar:

“Prandaj, në 25 prill shqiptarët do të votojnë për një Shqipëri që Fiton!”