Përgjigje Ramës: Tmerri i trafikut në Unazën e Re i shtohet aferës 48 mln euro

Akuzave të Kryeministrit Edi Rama me punimet në Unazën e Re dhe bllokimin e Ish-Sheshit Shqiponja, i është përgjigjur Drjetori i Kabintetit në PD, Dorjan Teliti, duke theksuar se tmerri i trafikut në Unazën e Re, i shtohet aferës 48 milionë euro taksa të shqiptarëve për 2.2 kilometra rrugë. Aferë ndërkombëtare e cila u mbyll me vetëm një të dënuar, e se një recepsionist 26 vjeçar që u bë kurban për një grusht para.

“Për qytetarët që u duhet të dalin apo të hyjnë në Tiranë fillon tmerri i vërtetë i trafikut. Tmerri i trafikut i shtohet historisë mafioze të korrupsionit ndërkombëtar të ER, Damian Gjiknurit dhe DH Albania. 48 milion euro i ka taksur ER dhe Damian Gjiknuri shtrimit të asfaltit në një segment vetëm 2.2 km të gjatë,” thekson Dorjan Teliti duke shtuar se të tre lotet e projektit u fituan pa garë me pothujase 100% të vlerës limit të tenderave, ku gjithmonë merrnin pjesë 2 firma dhe njëra nuk jepte ofertë financiare ndërsa përfundon:

“Historia mafioze e Unazës së Re ngrihet mbi dramën e qindra familjeve që mbetën pa strehë për të mos prekur projektin e kullave të Edmond Begos. Një aferë ndërkombëtare 48 milion € që u mbyll me vetëm një të dënuar, një recepsionist 26 vjeçar që u bë kurban për një grusht para.”

Ndryshe, Kryeministri Edi Rama sot publikuar një sqarim për qytetarët shoqëruar me një video, për shkak të punimeve që nisën në Unazën e Re, ku dhe u devijua qarkullimi për shkak të bllokimit të Ish-Sheshit Shqiponja