Përgjimet “Bild”/ Astrit Avdylaj me “vëllain” Vangjush Dako, flasin për Edi Ramën

Ashtu siç kishte paralajmëruar gazetari Peter Tide, sot Gazeta gjermane “Bild” ka publikuar përgjime të reja telefonike mes kryebashkiakut Vangjush Dako dhe Astrit Avdylajt, pjesë e grupit kriminal të “Avdylajve” në Shijak.

Në këto përgjime, dëgjohet Astrit Avdylaj ndërsa telefonon Vangjush Dakon i cili ndodhet në zyrën e Hipotekës, dhe lënë takim.

E veçanta e këtij komunikimi, përveç se flasin për Kryeministrin Edi Rama është dhe se në komunikimin në mes tyre, njeri tjetrin e quajnë vëlla, ndërsa Avdylaj e mbyll bisedën duke i thënë:

“Hajt, t du fort vllai jot!”

“Astrit Avdylaj, koka e klanit kriminal “Avdylaj” në Shijak, telefonon Gjushin (Vangjush Dako, kryetari i Bashkisë Durrës). Në këtë kohë, Avdylaj ndodhet në zyrën e Regjistrimit të Pronave në Durrës, në prezencë të drejtorit të zyrës dhe Vath Alla, një ish-i dënuar për vrasje për të “maruar” një “punë” në emër të Allës. Në këtë telefonatë mes Avdylajt dhe kryebashkiakut Dako, kuptohet qartësisht afrimiteti i tyre.

Astrit Avdylaj e di që kryebashkiaku Dako ishte deri vonë një natë më parë me kryeministrin Edi Rama. Ai më pas i thotë Dakos që të anulojë planet e tij për të udhëtuar në Ishëm, për të siguruar që ‘puna’ që Alla po kërkon, të përfundohet tek zyra e hipotekës nga drejtori që telefonon Anin dhe më pas Dakon për t’u takuar me të dhe më të dënuarin për vrasje, Vath Alla. Kryebashkiaku Dako pranon dhe ndryshon agjendën,” shkuan gazeta gjermane “Bild”.

Astrit Avdylaj: A t’ka zonë gjumi mrom o vlla se ke taku Ramën dje keni nejt jeni knaq

Vangjush Dako:Hehe, ça bone?

Avdylaj:Ça bohet?

Dako: Mirë, mirë

Avdylaj:Ka je vllai?

Dako: Dëgjo…

Avdylaj: Hë vlla

Dako: Thuji byrazerit unë po iki tani për në Ishëm, te ata çunat atje lart

Avdylaj:Jo vlla tashi, se do ta lem içik më vonë se jam ktu me çunat unë.

Dako: Ku je ti?

Avdylaj:Te hipoteka tu prit Anin… do vij të të takoj ty drejtori, apo?

Dako: Janë ata Allat, janë aty?….

Avdylaj: po, Vath Alla osht ktu me mu direkt, e kam ktu live, përballë në tavolinë, po na ngjon tashi

Dako: Epo mirë takohemi në Durrës

Avdylaj; Jo! do takohemi atje. E kemo lonë orarin atje vllai, maroi… do takohemi atje nga dreka sesbon, t’marojmë içik punë me Anin ktu, po presim Anin se po shkoj te basjhkia vllai, po t pres vllai ktu te Hipopteka

Dako: Mirë, mirë

Avdylaj: Hajt, t du fort vllai jot!