Përgjimet “Bild”/ Edi Rama mburret me bisedat që bënë me kriminelët. Lidheni!
Nuk është se priste njeri reflektim nga Kryeministri Edi Rama sot pas përgjimeve të publikuara nga gazeta gjermane “Bild”, por as trajtimin në këtë. Nga foltorja e Parlamentit e cilësoi skenarë të PD-së, nuk i pengon blerja dhe vjedhja e procesit zgjedhor siç u argumentua me përgjime, por marrja peng e procesit zgjedhor, akuzë kjo për gjithçka që nuk quhet mazhorancë.
Nuk mbanë përgjegjësi për asgjë edhe pse vendi është në prag të luftës civile, siç e ka paralajmëruar Instituti IFEMES, dhe gjithçka çfarë po ndodhë rreth tij dhe mbi kurrizin e popullit shqiptar është qëllimi i opozitës, sipas tij, për të mbyll derën e negociatave për Shqipërinë:
“Marrja peng e Procesit zgjedhor, është një orvatje për t’i mbyllur Shqipërisë derën e negociatave. I gjithë plani, me përgjime të pahetuara, por të mbyllura në kasafortë, më pas të dërguara te partia, para se ata të dalin në Gjermani, gjetja e vendit pikërisht në Gjermani, kalendari i daljes së përgjimeve i përputhur me kalendarin e protestave, flasin vetë për këdo që dëshiron të shikojë dhe të mendojë.
Është një revolucion imagjinar, me punonjës bashkiak, të rinj rrugëhumbur që maskohen, por që funksionojnë në raport me qëllimin sepse prodhon të gjitha pamjet e shëmtuara, që është në mospërputhje me imazhin e vendit për hapjen e negociatave dhe që nga ana tjetër synon të mbjelle frikën tek njerëzit brenda, se çafër do të ndodhë,” thotë Edi Rama duke u humbur në hapsirë për momentin duke menduar se është duke u folur, siç tha dhe profesor Paskal Milo, deleve socialiste.
Ndërkohë fillon e flet si ato vet, duke u munduar të bind opinionin se ai nuk e mendon kurrë shit-blerjen e votave edhe pse asnjë palë zgjedhje nuk i ka fituar deri më sot me ndershmëri, me ose pa Ilir Metën:
“Përgjimet dalin pikërisht për koka me një zbrazëti të konsiderueshme janë ekzaktësisht për këtë punë dhe unë ithëm të gjithë shqiptarëve, bëni një film me mendjen tuaj sikur gjithçka flisni në telefon ta shikoni në televizor, çdo bisedë edhe ajo më e zakonshmja tingëllon ndryshe kur del nga konteksti”
Po por këtu asgjë nuk doli nga konteksti u ble ose u vjedh. Dhe, shkronjësi i Ilir Metës vazhdon nga foltorja e Parlamentit:
“Ato përgjime po e kryejnë funksionin e tyre për objektivin që janë bërë në një betejë zgjedhore ku ka qenë e instaluar e gjithë PD me në krye Bashën, deputetet dhe grupe që ushtronin presion dhe dhunë dhe çuditësisht është vendosur antena mbi shatin e PS dhe jo mbi palën tjetër. Por ç’rëndësi ka kjo, u bënë si këto, si ato, pse nuk u hetua, pse nuk u veprua, pse nuk doli një urdhër për kapje në flagrancë dhe pse shkuan te PD0aj dhe pse dolën në Gjermani dhe dolën tani dhe si shpjegohet që lajmet e Gjermanisë i pararend qimi.net i Shqipërisë.”
Dhe duke harruar se Ulsi Manja dhe Arta Marku i shtrijnë kompetencat vetëm nga Dibra në Koplik, Edi Rama thotë se do i kërkojë gjykatave gjermane që të zbardhin tërësisht të vërtetën, duke harruar se kemi të bëjmë me një shtet që nuk lejon maskarallëqe mediatike siç bënë ai vet♪7 në Shqipëri:
“Brenda 4 javësh unë do i kërkojë gjykatave gjermane që të zbardhin tërësisht të vërtetën, lidhur me gjithçka është thënë në adresën time, ndërkohë që atë bisedë unë e kam bërë dhe do ta përsosja përsëri dhe biseda të atilla kam bërë me mijëra me gjithë shtabet në vend,” thotë Edi Rama i pashpresë se do bëhet ndonjëherë Kryeministër. I pashpresë po por jo edhe pa zgjidhje, LIDHENI!
