Përgjimet “Bild”/ Krimi në zgjedhje, Edi Rama e quan abuzim, Prela sqaroi pse nuk është hetuar…
Pas bandës rilindase që urdhëroi të përçmojnë përgjimet e publikuara nga gazeta gjermane “Bild”, nga Uksi Manja deri tek Erion Braçja, sot kryeministri Edi Rama nga Ura Vajgurore ndonëse krijoi idenë se kishte dëgjuar drejtuesen e Krimeve të Rënda, Donika Prela, dhe komentoi deklaratën e saj, ai foli ashtu siç foli Ulsiu dhe Braçja duke akuzuar opozitën për nxjerrje të sekretit hetimorë.
“Lidhur me ato përgjimet e neveritshme, sepse nga njëra anë askush nuk mund të çohet dhe të thotë se ne kemi hapur gojën, lere të kemi ngritur dorën, për të penguar drejtësinë të bëjë drejtësi me këdo.
Askush nuk na ka parë të marrë në mbrojtje këdo qoftë, por ia kemi lënë drejtësisë të vendosë, ndërkohë që në aspektin moral ata që na akuzojnë dhe helmojnë çdo ditë gjakun e këtij mileti, janë ata të cilët, Drejtorin e Përgjithshëm të Tatimeve e kishin të dënuar me arrest shtëpie, dhe e conin përditë dhe e ulnin si të pafajshëm, dhe drejtonte tatimet me pranga në duar nga shtëpia.
Ne gjithnjë e kemi bërë të qartë ndarjen, drejtësia të bëjë punën në vet, e ndaj do ta çojmë deri në fund atë reformë në drejtësi që ata nuk e duan,” tha Edi Rama duke komentuar kështu edhe një herë përgjimet e publikuara pak ditë më parë në “Bild” thuase nuk është ky njeri që zgjodhi Kryeprokuroren në mënyrë të paligjshme, e cila nuk bëri asgjë më shumë se sa e bëri çorapë Dosjen 339 dhe jo vetëm, ashtu si edhe degdisjen e prokurorëve aty ku nuk mund ta imgjinonin jo vazhdimin e hetimeve që kishin në dorë proe dhe zhvillimin e profesionit normal të tyre:
“Ai që i udhëheq këto “gjyqe publike” është një i akuzuar kur ishte ministër, sot është nën hetim jo vetëm në vendin tonë por në SHBA për 1 milion dollarë që s’dihet nga erdhën, dhe del e kërkon revolucion real… Luli, Luli, se nuk flas për atë tjetrin, plakun e marrë që Lulin e ka një nga tespiet e veta, por edhe tespiet e plakut Sali do të shpërbehen më 30 qershor,” u shpreh Kryeministri Edi Rama I cili edhe pas gjashtë vjet qeverisje nuk ka se çfarë thotë por vazhdon ta përmend Saliun ashti si edhe në vitin 2013.
Krimin eleltoral të publikuar në zgjedhje Edi Rama vazhduan ta quan abuzim, ndonëse Donika Prela nuk e quajti abuzim por pranoi që nuk kishte mundësi për tu hetuar:
“Po dëgjoja kryeprokuroren, më shumë vonesë për fat të keq por ka shpjeguar ekzaktësisht arsyen pse këto zbulime të mëdha që janë abuzim i madh me ligjin dhe nxjerrje e sekretit hetimorë për tu përdorur për politikë dhe kundër Shqipërisë, ndërkohë që duhej të kishte përçudnuar hetimi me kohë, dëgjoni kush janë personat që i kanë mbajtur në sirtar këto zbulime, që ata i kanë çuar te partia për ti përdorur, shantazhuar këtë qeveri, sepse ata i bashkojnë shumë gjëra, por edhe lufta kundër reformës në drejtësi.
Prokurorë që tmerrohen nga vetingu dhe politikanë që tmerrohen nga gjyqe që i presin nga ata që do kenë kaluar vetingun, do t’i thërrasin para drejtësisë, sepse nuk harrohen të gjitha ato që kanë ndodhur,” tha Edi Rama duke pretenduar se po komentonte deklaratat e Donika Prelës. Ndryshe, sot Drejtuesja e Prokurorisë së Krimeve të Rënda, Donika Prela, e ka pranuar se nuk ka pasur asnjë hetim për veprat penale në zgjedhje, të cilat janë në përgjimet e Dosjes 339.
