Përgjimet “Bild”/ Me Drejtorin e MB, Edi Rama: “E keni realizuar objektivin?”

Gazeta gjermane “Bild” ashtu siç paralajmëroi filloi me publikimet e reja ku dëgjohet kryeministri Edi Rama, duke komunikuar me një person të quajtur Arben Keshi, drejtor në Ministrinë e Brendshme në 2017.

Në artkiullin me titull “MANIPULIMI I ZGJEDHJEVE NË SHQIPËRI: Përgjimet dëshmojnë: Qeveria manipuloi zgjedhjet” e përditshmja gjermane “Bild” flet për Shqipërinë, si një nga vendet më të bukura por edhe më të prapambetura në Evropë. Për turistët një tip i egër dhe i lirë në bregdetin e Adriatikut.

Por vendi po përballet me një klimë drejtë kaosit total: Tani konsiderohet një republikë e drogës, si Kolumbia e Evropës. Dhe: Shqipëria kërcënon të bëhet kërcënim për Ballkanin e brisht.

Një nga arsyet: Vendi është bërë republikë mafioze, klanet kriminale rregullojnë politikën dhe jetën publike. Korrupsioni është normal ashtu si edhe blerja e votave në zgjedhje.”

Për disa muaj me radhë ka demonstrata masive. Opozita akuzon qeverinë Socialiste të kryeministrit Edi Rama, se ka manipuluar zgjedhjet parlamentare në vitin 2017 duke përdorur Mafian, ka blerë votat dhe mbështetësit e opozitës kanë bërë presion apo edhe penguar nga votimi”, shkruan Bild.

“Bild tani publikon përgjime telefonike – të bëra nga hetuesit shqiptarë – për të treguar për herë të parë se ka pasur një plan sistematik të Partisë Socialiste në pushtet të kryeministrit Edi Rama për të manipuluar zgjedhjet në vitin 2017!

Objektivi: mashtrimi elektoral, blerja e votave, shantazhi i votuesve të opozitës.”

Arben Keshi: Po shefi.

Edi Rama: Hë mo si duket.

Arben Keshi: Mirë te pritshmërie jemi.

Edi Rama: E keni realizuar objektivin thua?

Arben Keshi: Them që po. Tani me pjesën e atyre komisionerëve, e kemi realizuar.

Edi Rama: Ashtu ëëë?

Arben Keshi: Po them që po.

Edi Rama: Po ata maskarenjtë kishin bërë presione me thanë?

Arben Keshi: Po deshën të me kapnin mua, por ajo ndodhi pas dy minutash që unë u futa te stafi, se po me pritshin te hoteli ku flija.

Edi Rama: Çfarë do të bëshin ty ata?

Arben Keshi: Ishin ja 50 veta. Ishte kjo pjesa e presionit, me goditje me kështu. Ai është legen, ai Flamur Noka është…

Edi Rama: Po ku ta del dot ty Flamur Noka more.

Arben Keshi: Dhe ky djali sa doli, sa më la mua, dhe ata kujtuan se jam dhe unë në makinë. Ishin 50 veta, jo se bënë ndonjë gjë, e goditën, por problemi është se ikën dhe si kapën dot.

Edi Rama: Më mirë, mo u hap, çi do sherret. Nigjo, ti mendon që e kemi realizuar objektivin ëë?

Arben Keshi: Unë them që po. Mund të lëvizë pak ose me shumë. Por nga ata që na kanë thënë komisionerët, jemi me pritshmëri të mëdha.

Edi Rama: Komisionerët i ke pas top apo jo?

Arben Keshi: Po, po. Ne rregull i kam pas.

Edi Rama: Mirë vllai!

Arben Keshi: Ishallah! Mirë faleminderit.

Edi Rama: Hajd ciao, ciao!